трамп мексикиға тәһдит салди

америка қошма иштатлири пирезиденти доналд трамп көчмәнләрниң мексикидин америкиға қанунсиз һалда өтүшигә хатимә бериш үчүн наһайити зор тиришчанлиқ көрситиватқанлиқлирини ейтти.

1206201
трамп мексикиға тәһдит салди

түркийә авази радийоси хәвири: трамп аммиви ортақлишиш тор бети Twitter сәһиписидә, мексикидин америкиға қанунсиз һалда өтәватқан қанунсиз көчмәнләр вә мексикиниң  позитсийәси тоғрулуқ тохталғанда, мундақ деди: «мексика көчмәнләрниң  америка қошма иштатлириға җәнубий чегра районлиридин қанунсиз һалда өтүшигә тақабил туруш үчүн қилиниму тәврәтмәйватиду, җүмлидин, қанунсиз көчмәнләр сәвәбидин келип чиққан зийанниң җавабкари худди америка қошма иштатлиридәк позитсийә тутуватиду. мениңчә мексика хата қиливатиду, буниңға қарита пат йеқинда тегишлик җаваб қайтуримән.»

игилинишичә, гиватемала, һондурас вә әлсалвадор қатарлиқ оттура америка дөләтлиридин «зораванлиқ вә йоқсуллуқ» қатарлиқ сәвәбләр түпәйли сәпәргә атланған көчмәнләр, мексика чеграсидин давамлиқ америка қошма иштатлириға өтмәктә икән.

көчмәнләргә қарши сийасәтләрни йолға қойуш билән тәнқид қилиниватқан трамп болса, «қанунсиз көчмәнләр вә зәһәр әткәсчилири» гә қарши  күрәш үчүн мексика билән америка қошма иштатлири оттурисиики чегра районлириға сепил соқушниң зөрүрлүкини илгири сүрмәктә икән.



مۇناسىۋەتلىك خەۋەرلەر