xitay yürgüzülgen émbargolar heqqide amérikagha chaqiriqta boldi

türkiye awazi radiyosi xewiri: xitay tashqi ishlar ministirliqi bayanatchisi lu kang paytext béyjingda chaqirghan jiddiy axbarat élan qilish yighinida, amérikining xitayning widéo közitish shirkiti «Hikvision» gha xuddi xuawége yürgüzgendek émbargolarni yürgüzüshke teyyarliq qiliwatqanliqi üstide toxtilip, «yéqindin buyan amérikining qanchilighan qétim dölet küchini ishlitip xitay qatarliq bashqa dölet shirketlirini bésim astigha élishiigha we qarilishigha qarshi ikenlikimizni bildurduq» dédi.

xitayning pozitsiyening rushen ikenlikini éytqan lu kang: «bu yerde yene bir qétim tekitilmekchimizki, döletlerara soda we sélinma munasiwetliri özara hörmet we payda yetküzüsh asasigha qurulghan bolushi lazim» dédi.

xitay bayanatchisi lu kang xitay shirketliriningmu bazar qaidilirige we xelqara ölchemlerge riaye qilishi kéreklikini tilgha élish bilen birge, bashqa döletlerningmu xitay shirketlirige adil bolushi we ayrimchiliq qilmasliqi heqqide chaqiriqta boldi. 

amérika axbaratlirida amérika hökümitining xitayning widéo közitish shirkiti «Hikvision» gha xuddi xuawége yürgüzgendek émbargolarni yürgüzüshke teyyarliq qiliwatqanliqi we bu émbargolar arqiliq «Hikvision» ning amérika shirketliridin téxnikiliq üskinilerni sétiwélishigha cheklime qoyidighanliqi, amérika shirketliriningmu xitay shirketlirige téxnikiliq eslihelerni sétishtin ilgiri hökümetning testiqini élishini mejbur halgha keltüridighanliqi xewer qilinghan idi. 

amérika - xitay soda urushi bashlinip, aridin bir yil ötken emdiki weziyette deslepki basquchta ikki döletning bir –birsidin émport qilinghan milyardlarche dollarliq mehsulatlargha qoshumche baj qoyushni qarar qilishqan bolsa, ikkinchi basquchta bu urush ikki dölet téxnika shirketlirigiche kéngeydi.

gogul shirkiti aldinqi küni élan qilghan bayanatida, gogul shirkitining pirézidént donald trampning yol yoruqlirigha riaye qilidighanliqini we buning tesirini teqip qiliwatqanliqini bildürgen idi.

gogul shirkitining bayanatida, xuawé eslihelirining «Google Play» mulazimitige irishiligen teqdirdimu, biraq xuwéy yan fonlirining «Google Play», «Google Store», «Google Mape» we «Gmail» qatarliq muhim yumshaq détal mulazimitige érishishi cheklinidighanliqi bildürülgen idi.

xuawéyning qurghuchisi ring jingféymu tünügün xitay axbaratlirigha bergen bayanatida, amérikining xuawéyning küchini sel chaghlap qalghanliqini we gogul shirkitining qararining «5G» téxnikisigha tesir yetküzelmeydighanliqini tekitlep, yanfon téxnikisining chiqimi téximu töwen özlirige tewe mehsulat ikenlikini éytqan idi.