һиндонезийәдә бир фирансийә пуқраси өлүмгә һөкүм қилинди
һиндонезийәдә зәһәрлик чекимлик әткәсчилики билән әйбилинип қолға елинған фирансийә пуқраси өлүм җазасиға һөкүм қилинди.
түркийә авази радийоси хәвири: җакарта почтиси гезитиниң хәвәр қилишичә, өткән йили сентәбир ейида ломбок арилидики айродурумда 3 килогирамға йеқин зәһәрлик чекимлик маддиси билән қолға чүшүп қалған 35 йашлиқ фирансийә пуқраси феликс дорфин өлүм җазасиға һөкүм қилинған.
йүк – тақлири арисидин зәһәрлик чекимлик чиққан дорфинниң, зәһәрлик чекимлик әткәсчиликигә алақидар қанунниң 113 – маддисиға хилаплиқ қилиш билән әйибләнгәнлики билдүрүлди.
йанвар ейида назарәтханидин қачқан дорфин, аридин икки һәптә өткәндин кейин тутулуп қалғаниди.
һиндонезийә һөкүмити, зәһәрлик чекимликкә қарши күрәштә қаттиқ чарә – тәдбирләрни йолға қойған болуп, дөләт тәвәликидә 5 грамдин артуқ зәһәрлик чекимлик билән тутулуп қалғучиларға өлүм җазаси берилидиған әһвалларму болиду.