америка ирақтин кәчүрүм сориди
америка, өткән ай ирақниң шималидики кәркүктә бир һәрбий аптомобилға хата һалда һавадин зәрбә бәргәнлики үчүн бағдад даирилиридин кәчүрүм сориди.
түркийә авази радийоси хәвири: ирақ ички ишлар министирлиқиға қарашлиқ федератип сақчи қоманданлиқи йазма байанат елан қилип, америкиниң ирақта турушлуқ вәкили җое ходниң пайтәхт бағдадтики федератип сақчи қоманданлиқ мәркизини зийарәт қилғанлиқини билдүрди.
ход, 24 – апрелда елип берилип бир сақчиниң өлүп кетиши, 2 сақчиниң йарилинишини кәлтүрүп чиқарған хата һуҗум йүзисидин америка даирилириниң кәчүрүм сорайдиғанлиқини вә тәзийә билдүридиғанлиқини йәткүзди.
иттипақдаш күчләр қармиқидики америка айропиланлириниң 24 – апрелда кәркүктә федератип сақчи қоманданлиқиниң бир һәрбий аптомобилиға қилған һуҗумида 1 сақчи өлгән, 2 сақчи йариланғаниди.
даеш террорлуқ тәшкилатиға қарши күрәш қилиш 2014 – йили америка башчилиқида қурулған иттипақ сепидә ирақта 5 миң әтрапида америка әскири бар.