madonnaning tél awiwdiki konsértidiki pelestin bayriqi küchlük ghulghula qozghidi
madonna éytqan «kélechek» namliq naxsha esnasida sehnige chiqqan ikki ussulchi diqqetni tartti.
türkiye awazi radiyosi xewiri: israiliyening paytexti tél awiwda ötküzülgen 64 – nöwetlik Eurovision naxsha – muzika musabiqisige amérikiliq naxshichi madonnaning tar dairidiki bir konsértida uninggha tengkesh qilghan ussulchilardin birining kiyimining arqisidiki pelestin bayriqi bilen sehnige chiqishi küchlük ghulghula qozghidi.
madonna dunyaning herqaysi jayliridin kelgen bayqut qilish chaqiriqlirigha qarimay sehnige chiqqan tél awiwdiki Eurovision naxsha – muzika musabiqisining hel qilghuch musabiqisidin burun ikki naxsha éytti.
madonna éytqan «kélechek» namliq naxsha esnasida sehnige chiqqan ikki ussulchi diqqetni tartti. bu ussulchilardin birining kiyimining arqisida pelestin, yene birining kiyimining arqisida bolsa israiliye bayriqining orun élishi küchlük ghulghula qozghidi.
musabiqide gollandiye namidin sehnige chiqqan lawréns 492 – nomur élip musabiqide birinchi boldi. musabide italiye ikkinchi, rusiye üchinchi, musabiqige sahibxanliq qilghan israiliye bolsa 23 – boldi.
