хитай америкиға қарши иран билән маслишишни күчәйтиш керәкликини билдүрди

хитай дөләт мәслиһәтчиси шундақла ташқи ишлар министири ваң йи америкиниң иранға өз алдиғила ембарголар йүргүзишигә вә чекидин ашқан сот һоқуқини ишлитишигә хитайниң қарши икәнликини билдүрди.

хитай америкиға қарши иран билән маслишишни күчәйтиш керәкликини билдүрди

 

түркийә авази радийоси хәвири: хитай ташқи ишлар министирлиқидин елан қилинған байанатта, ваң йиниң пайтәхт бейҗиңда зийарәттә болуватқан иран ташқи ишлар министири муһәммәд җәвад зариф билән көрүшкәнлики, учришишта хитай билән иранниң кәң даирилик истиратегийәлик шерик икәнликини, һазирқидәк хәлқаралиқ вә район характерлиқ вәзийәтләр толиму тез бурулуш һасил қиливатқан мәзгилләрдә икки дөләтниң маслишишни күчәйтиши керәкликини ейтти.

ваң йи: «хитай америкиниң иранға қарита өз алдиғила ембарголарни йүргүзишигә вә чекидин ашқан сот һоқуқини ишлитишигә қарши чиқиду. иранниң һазирқи әһвали вә әндишилирини йахши чүшиниду. өз мәнпәәтини қоғдишини қоллап - қуввәтләйду» деди вә иранниң йадро келишиминиң қоғдилиши керәкликини тәкитлиди.

ваң йи йәнә, мавҗут зийанлиқ амилларни йоқутуш вә иранниң йадро келишиминиң иҗра қилиниши үчүн көрситиливатқан тиришчанлиқта иран һөкүмити билән бирликтә хизмәт қилишни арзу қилидиғанлиқини қәйт қилди.

иран ташқи ишлар министири зарифму һазирқи йадро мәсилисидә көрүлгән җиддийчиликниң җавабкари иран һөкүмити әмәсликини илгири сүрүп, иранниң йадро келишимидин чекинип чиқип кетиш нийити йоқлуқини тәкитлиди. 

муһәммәд җәвад зариф: «иран бирәр уруш болушини халимайду. иран парис қолтуқи районида тинчлиқ вә муқимлиқниң давамлишишини, һурмуз боғузиниң хәлқара транспорт қанили болуш салаһийитини давамлаштурғанлиқини көрүшни арзу қилиду» деди һәмдә хитай билән көп тәрплимилик маслишишни күчәйтишкә вә икки дөләт мәнпәәтлири билән көп тәрәплиликни қоғдап қилишқа тиришчанлиқ көрситиш үчүн тәййар икәнликини ейтти.



مۇناسىۋەتلىك خەۋەرلەر