amérika - xitay soda urushining xitay iqtisadigha qanchilik zéyini bolidu?

xitay xelq siyasiy kéngishi bashliqi wang yang amérika bilen bolghan soda urushining xitay iqtisadiy tereqqiyatigha körsitidighan tesirining aran %1 bolidighanliqini ilgiri sürmekte.

amérika - xitay soda urushining xitay iqtisadigha qanchilik zéyini bolidu?

 

 

türkiye awazi radiyosi xewiri: gherbiy xitay etigenlik gézitining xewirige asaslanghanda, xitayning eng yuqiri meslihet mixanizmi süptide wezipe ötewatqan xitay xelq  siyasiy kéngishi bashliqi shundaqla xitay kommunstik partiyesining eng yuqiri derijilik 7 emeldarining birsi hésablinidighan wang yang, hökümet bolush süpiti bilen xitay amérika otturisidiki soda urushining yilliq körsitidighan zéyinini hésablap chiqqanliqini éytti.

bu hésabqa asaslanghanda, eng yaman éhtimal boyiche bolghanda, iqtisadiy tereqqiyatqa körsitidighan ziyinining kütülgiendin téximu töwen bolidighanliqini dawa qilghan wang yang, omumiy ziyanning bu yilliq tereqqiyatning %1 pirsentige aran toghra kélidighanliqini ilgiri sürdi.

wang yang amérikining soda urushida xitayning azabqa chöküp kétidighanliqini oylap, xitayning iradisigha sel qarighanliqini éytti. 

biraq %1 lik bu texminge tonulghan iqtisadshunashlar guman bilen qarimaqta.  

xitay amérika soda urushi bashlinip bir yilgha qedem qoyush aldida turghan bir mezgilde xelqara bazarlar aldinqi heptilerde tamuzhna béji talash tartishlirigha shahit bolghan idi.

xitay muawin bash ministiri liyu xi washingitonda qatnashqan soda muzakirliridin quruq qol qaytqandin kéyin, amérika pirézidénti donald tramp soda muzakirilirining netijisiz ötkenlikini seweb qilip, 8mayda 200 milyard dollarliq xitay mehsulatigha qoyuluwatqan eslidiki %10 lik bajni %25 ke chiqarghanliqini élan qilghan idi. 

xitay dairilirimu trampning bayanatida jawap ornida mushu heptining béshida amérikidin émport qilinghan 60 milyard dollarliq 5 mingdin köprek mehsulat türige %5 tin %25 kiche tamuzhna béji qoyidighanliqini élan qilghan we bu bajlarning 1 iyundin étibaren resmiy ijra qilinidighanliqini jakarlighan idi. 

xitay mart éyida ötküzgen emumiy kéngesh yighinida bu yilliq iqtisadi tereqqiyat texminini %6 bilen %6.5 arisida bolidu dep élan qilghan bolup, bu xitay hökümitining yéqinqi 30 yilliq tarixidiki eng töwen iqtisadiy tereqqiyat nisbiti hésablinidiken. yeni xitayning iqtisadi éshishi 30 yilliq tarixidiki eng töwen sewiyege chüshüp qalghanliqining namayendisi dep qaralmaqta.

 


خەتكۈچ: xitay , soda urushi , amérika

مۇناسىۋەتلىك خەۋەرلەر