tramp xitayning xuawéy shirkitige alaqidar qararnamigha imza qoydi
xitayning xuawéy shirkiti bilen tijaret qilghan amérika shirketlirige buningdin kéyin bu qararname arqiliq émbargo yürgüzgili bolidu.
türkiye awazi radiyosi xewiri: amérika pirézidénti donald tramp amérika shirketlirining dölet xewpsizlikige tehdit shekillendürgen döletlerdin téléfon – télégraf؛ uchur - alaqe eslihelirini élishini chekleydighan pirézidéntliq qararnamisigha imza qoydi.
aq saray bayanatchisi sarah sandérs élan qilghan yazma bayanatta, donald trampning «ilim – pen, uchur alaqe téxnikiliri we mulazimetliri bilen teminlesh sistémisini qoghdash» témiliq pirézidéntliq qararnamisigha imza qoyghanliqi bildürüldi.
buninggha asasen trampning qarari؛ amérika shirketlirining dölet bixeterlikige tehdit shekillendüridighan döletlerdin téléfon – télégraf؛ uchur - alaqe eslihelirini élishini chekleydu.
donald tramp amérikining téléfon – télégraf؛ uchur – alaqe torini qoghdash meqsitide «döletlik jiddiy halet» élan qilghan bolup, uning tashlighan bu qedimidiki (gerche qararnamida ismi tilgha élinmighan bolsimu,) hujum nishanining xitay ikenliki bildürüldi.
amérika médiyasi, xitay bilen yéqinqi aylardin buyan körülgen ishlar netijiside, xitay uchur – alaqe shirkiti xuawéyning amérikidiki qilmishlirigha alaqidar tramp hökümitining bu xil qedemni tashlighanliqini ilgiri sürdi.
aq saray mesulliri birer dölet yaki shirketning ismini biwaste tilgha élishtin özini qachurup kelmekte.
amérika metbuatlirining xewerliride, tramp hökümitining buningdin kéyin xuawéy shirkiti bilen tijaret qilghan amérika shirketlirigimu imbargo qoyalaydighanliqi bildürüldi.
xitay hökümiti aq saray dairilirining amérika shirketlirining xuawéy bilen hemkarliq ornitishini cheklesh xaraktérlik bir pirézidént qararnamisi chiqirishqa teyyarliniwatqanliqigha ilgirimu naraziliq bildürgen we bu qedemge qarita «hem numus qilarliq, hem naheqchiliq» dep baha bergen idi.
