iraqmu «S-400» bashqurulidighan bomba sistémisi sétiwilishni xalaydu

iraqning moskwada turushluq bash elchisi aydar mensur hadi iraq hökümitining rusiyedin «S-400» bashqurulidighan bomba mudapie sistémisi sétiwilish qaririgha kelgenlikini élan qildi.

iraqmu «S-400» bashqurulidighan bomba sistémisi sétiwilishni xalaydu

 

türkiye awazi radiyosi xewiri: mensur hadi rusiyening paytexti moskwada chaqirghan axbarat élan qilish yighinida rusiye shirketlirining iraqtiki sélinmilirining éshishini arzu qilidighanliqini éytti.

mensur hadi rusiye shirketliri bilen bolupmu néfit we tebiiy gaz saheside ghelibilik hemkarliq munasiwetlirini dawamlashturiwatqanliqini eskertip, «iraqta < Lukoil>, <Başneft>, <Rosneft> we <Gazprom> shirketlirining sélinmiliri bar. < Lukoil>ning iraqtiki sélinmiliri 9 milyon dollardin ashidu. bu sélinmilarning 30 milyon dollargha chiqirilishigha dair yéngi telepler mewjut» dédi.

mensur hadi iraq bilen rusiye otturisida ötküzülgen «S-400» bashqurulidighan bomba mudapie sistémisigha alaqidar muzakiriler üstidimu toxtilip, «iraq hökümiti rusiyedin <S-400> bashqurulidighan bomba mudapie sistémisi sétiwilishni xalaydu. biraq bu jehette hazirche birer yol xeritisi yoq» dédi. 

iraqning rusiyedin «S-400» bashqurulidighan bomba mudapie sistémisi sétiwilishigha amérikining tosqunluq qilishining mumkin yaki emesliki heqqidiki soalgha jawab bergen mensur hadi, «bu jehette kéreklik diplomatik qanallar mewjut» dédi.

rusiye fédératsiyesi kéngishi mudapie we xewpsizlik komitéti bashliqi wiktor bondaréw melum mezgil ilgiri élan qilghan bayanatida, iraqning rusiyedin «S-400» bashqurulidighan bomba mudapie sistémisi sétiwilish iqtidarigha ige döletler arisida ikenlikini éytqan idi.

 



مۇناسىۋەتلىك خەۋەرلەر