tramp: ottura sherq rayonigha 120 ming  kishilik qoshun ewetishimiz yalghan

amérika qoshma ishtatliri pirézidénti donald tramp dölitining iran tehditige qarshi ottura sherq rayonigha 120 ming kishilik qoshun ewetishige alaqidar xewerlerning yalghan ikenlikini éytti.

tramp: ottura sherq rayonigha 120 ming  kishilik qoshun ewetishimiz yalghan

türkiye awazi radiyosi xewiri: tramp «‹ New York Times › géziti» teripidin aldinqi küni élan qilinghan «amérika qoshma ishtatliri iran tehditige qarshi 120 ming kishilik qoshun ewetishke teyyarliniwatidu» serlewhilik xewirining yalghan ikenlikini tekitlep mundaq dédi: «eslide méning shundaq qilish niyitim bar idi, emma biz rayongha 120 ming kishilik qoshun ewetish toghruluq pilan tüzmiduq, eger bundaq pilan tüzgen bolsaq, téximu köp esker ewetken bolattuq, bundaq bir pilan tüzüshke mejbur bolup qalmasliqimizni ümid qilimen.»

amérika qoshma ishtatliri pirézidénti donald trampning « eger bundaq pilan tüzgen bolsaq, téximu köp esker ewetken bolattuq» teriqisdiki bayanati, «amérika qoshma ishtatlirining iran bilen herbiy toqunushush éhtimalliqini nezerdin saqit qiliwetmigenlikidin dérek béridu» teriqiside analiz qilindi.

gerche amérika qoshma ishtatliri pirézidénti donald tramp «‹ New York Times › géziti» ning xewirini yalghan dep qarighan bolsimu, lékin amérika qoshma ishtatliri dölet mudapie ministirliqi teripidin bu heqte téxiche héchqandaq bayanat élan qilinmidi.

amérika qoshma ishtatliri pirézidénti donald tramp aldinqi küni bu heqte élan qilghan bayanatida, iran amérika qoshma ishtatlirigha qarshi herqandaq bir qedem tashlighan teqdirde, buning bedilining «éghir» bolidighanliqini éytqanidi.



مۇناسىۋەتلىك خەۋەرلەر