xusiylar seudi erebistangha chong hujumlarni qilish bilen tehdit saldi

yemendiki iran qollawatqan xusiylar seudi erebistanning ichki qisimlirida téximu chong we téximu keng kölemlik hujumlarni qilishni aldinqi pilangha qoyush bilen tehdit saldi.

xusiylar seudi erebistangha chong hujumlarni qilish bilen tehdit saldi

 

türkiye awazi radiyosi xewiri: xusiylarning armiye bayanatchisi yehya seri élan qilghan yazma bayanatida, tünügün seudi erbistangha yollighan uchquchisiz appiratlarning heriket bashlighan kündin béri seudi erebistanning ichki rayonlirida eng chong hujumlarni ishqa ashurghanliqini bildürdi. 

hawadin qilinghan bu hujumlar dairiside duwedmi we afif sheherliridiki hayatiy ehmiyetlik chong muesselerning hujum nishani qilinghanliqini eskertken yehya seri, «intayin diqqet bilen közitish we rayondiki hemkarlashquchilarning yardimi bilen bu hujumlarni ishqa ashurduq. netijide néfit turubba liniyesining néfit bilen teminlesh xizmetliri toxtap qaldi we seudi erebistan iqtisadigha biwaste zerbe bérildi» dédi.

yehya seri yene mundaq dédi:

«düshmen döletler (yeni, seudi erebistan we ereb birleshme xelipiliki) ning ichki qisimlirida téximu chong we téximu keng kölemlik hujumlarni ishqa ashuralaymiz. hel qilish charisi؛ yemenge qiliwatqan hujumlarni toxtitishtin ibarettur»

xusiylargha qarashliq el mesire qanili tünügün seudi erebistanda 7 muhim nuqtigha hawadin 7 qétim hujum qilinghanliqini ilgiri sürgen idi.

seudi erbistan énérgiye, sanaet we kan ishliri ministiri xalid el falihmu sherqiy rayonlardiki quduqlardin gherb sahiligha néfit yetküzidighan turubba liniyesige jaylashqan 2 néfit tarqitish istansisigha uchquchisiz hawa appirati arqiliq hujum qilinghanliqini élan qilghan idi.

seudi erbistanning döletlik néfit shirkiti «Saudi Aramco» bolsa, bu hujum sewebidin xéridarlarni néfit bilen teminlesh xizmetlirining héchqandaq tesirge uchrimighanliqini jakarlighan idi.

seudi erebistan bashchiliqidiki birleshme qisim yemende 2015yilidin buyan xusiylargha qarshi hökümet qismlirigha yardem bermekte. 


خەتكۈچ: xusiylar , yemen , seudi erebistan

مۇناسىۋەتلىك خەۋەرلەر