хусийлар сәуди әрәбистанға чоң һуҗумларни қилиш билән тәһдит салди

йәмәндики иран қоллаватқан хусийлар сәуди әрәбистанниң ички қисимлирида техиму чоң вә техиму кәң көләмлик һуҗумларни қилишни алдинқи пиланға қойуш билән тәһдит салди.

хусийлар сәуди әрәбистанға чоң һуҗумларни қилиш билән тәһдит салди

 

түркийә авази радийоси хәвири: хусийларниң армийә байанатчиси йәһйа сәри елан қилған йазма байанатида, түнүгүн сәуди әрбистанға йоллиған учқучисиз аппиратларниң һәрикәт башлиған күндин бери сәуди әрәбистанниң ички районлирида әң чоң һуҗумларни ишқа ашурғанлиқини билдүрди. 

һавадин қилинған бу һуҗумлар даирисидә дувәдми вә афиф шәһәрлиридики һайатий әһмийәтлик чоң муәссәләрниң һуҗум нишани қилинғанлиқини әскәрткән йәһйа сәри, «интайин диққәт билән көзитиш вә райондики һәмкарлашқучиларниң йардими билән бу һуҗумларни ишқа ашурдуқ. нәтиҗидә нефит турубба линийәсиниң нефит билән тәминләш хизмәтлири тохтап қалди вә сәуди әрәбистан иқтисадиға бивастә зәрбә берилди» деди.

йәһйа сәри йәнә мундақ деди:

«дүшмән дөләтләр (йәни, сәуди әрәбистан вә әрәб бирләшмә хәлипилики) ниң ички қисимлирида техиму чоң вә техиму кәң көләмлик һуҗумларни ишқа ашуралаймиз. һәл қилиш чариси؛ йәмәнгә қиливатқан һуҗумларни тохтитиштин ибарәттур»

хусийларға қарашлиқ әл мәсирә қанили түнүгүн сәуди әрәбистанда 7 муһим нуқтиға һавадин 7 қетим һуҗум қилинғанлиқини илгири сүргән иди.

сәуди әрбистан енергийә, санаәт вә кан ишлири министири халид әл фалиһму шәрқий районлардики қудуқлардин ғәрб саһилиға нефит йәткүзидиған турубба линийәсигә җайлашқан 2 нефит тарқитиш истансисиға учқучисиз һава аппирати арқилиқ һуҗум қилинғанлиқини елан қилған иди.

сәуди әрбистанниң дөләтлик нефит ширкити «Saudi Aramco» болса, бу һуҗум сәвәбидин херидарларни нефит билән тәминләш хизмәтлириниң һечқандақ тәсиргә учримиғанлиқини җакарлиған иди.

сәуди әрәбистан башчилиқидики бирләшмә қисим йәмәндә 2015йилидин буйан хусийларға қарши һөкүмәт қисмлириға йардәм бәрмәктә. 



مۇناسىۋەتلىك خەۋەرلەر