xitay amérikining xuawéy shirkitige qaratqan cheklime qararigha naraziliq bildürdi

aq saray dairilirining amérika shirketlirini xuawéy shirkiti bilen hemkarlishishtin meniy qilidighan pirézidéntliq qarari chiqirishqa teyyarlanghanliqi xitayning naraziliqini qozghidi.

xitay amérikining xuawéy shirkitige qaratqan cheklime qararigha naraziliq bildürdi

 

türkiye awazi radiyosi xewiri: xitay tashqi ishlar ministirliqi bayanatchisi ging shuang paytext béyjingda ötküzgen pewqulade jiddiy axbart élan qilish yighinida, amérika pirézidénti donald trampning amérika shirketlirini xuawéy qatarliq xitayning téxnika shirketliri bilen hemkarliq ornitishtin meniy qilidighan pirézidéntliq buyruqi élan qilghanliqigha naraziliq bildürüp, amérikining dölet küchini suyiistémal qilish arqiliq xitay shirketlirini qarilawatqanliqini we bésim astigha alghanliqini éytti.

ging shuang amérikining bu herikitige qarita «hem numus qilarliq, hem naheqchiliq» dep baha berdi hemde: «amérika terepni bixeterlikni bahane qilip, xitay shirketlirige bésim ishlitishni toxtitishqa chaqiriq qilimiz» dédi. 

amérika metbuatliri donald trampning amérika shirketlirini xuawéy qatarliq xitayning téxnika shikretliri ishlepchiqarghan eslihelerni ishlitishini meniy qilidighan bir pirézidéntliq buyruqini imzalashqa teyyarlanghanliqini xewer qilghan idi. bu buyruq؛ donald trampning amérikigha tehdit we dölet bixeterliki mesililiri dairiside, soda belgilimiliri chiqirish hoquqinimu ishqa ashuridu.

xitay tashqi ishlar ministirliqi bayanatchisi ging shuang donald térampning xitay iqtisadining ehwalining intayin nachar ikenlikige dair sözliri üstidimu toxtilp, «amérika terepning éytqanlirining asasi yoq. xitay iqtisadiy dawamliq muqim bir shekilde tereqqiy qilishni dawamlashturmaqta» dédi.

ging shuang yene mundaq dédi:

amérikining soda jehettiki qoghdash tedbirliri elwette xitay iqtisadigha tesir körsitidu. biraq buni pütünley hel qilip ketkiliri bolidigha bir ish. xitayning herqandaq shekilde sirttin kélidighan mudaxile we hujumlargha taqabil turush qabiliyiti we ishenchisi mewjut» dédi.

amérika pirézidénti donald tramp jüme küni tiwitérda élan qilghan bayanatida, xitay heyiti bilen ötküzülgen muzakirilerde tolimu az ilgirilesh boluwatqanliqini seweb körsitip, 200 milyard dollarliq xitay mehsulatlirigha qarita eslidiki %10 lik bajni %25 ge chiqarghanliqini jakarlighan idi. 

xitay döletlik kéngishi baj ishliri komitéti düshenbe küni amérikigha oxshash shekilde jawab qayturush dairiside, 60 milyard dollarliq amérika mehsulatlirigha %5 tin %25 kiche qoshumche baj qoyidighanliqini élan qilghan idi.  


خەتكۈچ: amérika , xitay

مۇناسىۋەتلىك خەۋەرلەر