хитай америкиниң хуавей ширкитигә қаратқан чәклимә қарариға наразилиқ билдүрди

ақ сарай даирилириниң америка ширкәтлирини хуавей ширкити билән һәмкарлишиштин мәний қилидиған пирезидентлиқ қарари чиқиришқа тәййарланғанлиқи хитайниң наразилиқини қозғиди.

хитай америкиниң хуавей ширкитигә қаратқан чәклимә қарариға наразилиқ билдүрди

 

түркийә авази радийоси хәвири: хитай ташқи ишлар министирлиқи байанатчиси гиң шуаң пайтәхт бейҗиңда өткүзгән пәвқуладә җиддий ахбарт елан қилиш йиғинида, америка пирезиденти доналд трампниң америка ширкәтлирини хуавей қатарлиқ хитайниң техника ширкәтлири билән һәмкарлиқ орнитиштин мәний қилидиған пирезидентлиқ буйруқи елан қилғанлиқиға наразилиқ билдүрүп, америкиниң дөләт күчини суйиистемал қилиш арқилиқ хитай ширкәтлирини қарилаватқанлиқини вә бесим астиға алғанлиқини ейтти.

гиң шуаң америкиниң бу һәрикитигә қарита «һәм нумус қиларлиқ, һәм наһәқчилиқ» дәп баһа бәрди һәмдә: «америка тәрәпни бихәтәрликни баһанә қилип, хитай ширкәтлиригә бесим ишлитишни тохтитишқа чақириқ қилимиз» деди. 

америка мәтбуатлири доналд трампниң америка ширкәтлирини хуавей қатарлиқ хитайниң техника шикрәтлири ишләпчиқарған әслиһәләрни ишлитишини мәний қилидиған бир пирезидентлиқ буйруқини имзалашқа тәййарланғанлиқини хәвәр қилған иди. бу буйруқ؛ доналд трампниң америкиға тәһдит вә дөләт бихәтәрлики мәсилилири даирисидә, сода бәлгилимилири чиқириш һоқуқиниму ишқа ашуриду.

хитай ташқи ишлар министирлиқи байанатчиси гиң шуаң доналд терампниң хитай иқтисадиниң әһвалиниң интайин начар икәнликигә даир сөзлири үстидиму тохтилп, «америка тәрәпниң ейтқанлириниң асаси йоқ. хитай иқтисадий давамлиқ муқим бир шәкилдә тәрәққий қилишни давамлаштурмақта» деди.

гиң шуаң йәнә мундақ деди:

америкиниң сода җәһәттики қоғдаш тәдбирлири әлвәттә хитай иқтисадиға тәсир көрситиду. бирақ буни пүтүнләй һәл қилип кәткилири болидиға бир иш. хитайниң һәрқандақ шәкилдә сирттин келидиған мудахилә вә һуҗумларға тақабил туруш қабилийити вә ишәнчиси мәвҗут» деди.

америка пирезиденти доналд трамп җүмә күни тивитерда елан қилған байанатида, хитай һәйити билән өткүзүлгән музакириләрдә толиму аз илгириләш болуватқанлиқини сәвәб көрситип, 200 милйард долларлиқ хитай мәһсулатлириға қарита әслидики %10 лик баҗни %25 гә чиқарғанлиқини җакарлиған иди. 

хитай дөләтлик кеңиши баҗ ишлири комитети дүшәнбә күни америкиға охшаш шәкилдә җаваб қайтуруш даирисидә, 60 милйард долларлиқ америка мәһсулатлириға %5 тин %25 кичә қошумчә баҗ қойидиғанлиқини елан қилған иди.  


خەتكۈچ: америка , хитай

مۇناسىۋەتلىك خەۋەرلەر