zerif türkmenistanda dölet ishliri ziyaritide boldi

iran tashqi ishlar ministiri muhemmed jewad zerif dölet ishliri ziyaritide boluwatqan türkmenistanning paytexti ashxabatta pirézidént gurbanguli berdimuhemmedow we tashqi ishlar ministiri rashit meredow bilen körüshti.

zerif türkmenistanda dölet ishliri ziyaritide boldi

türkiye awazi radiyosi xewiri: iran tashqi ishlar ministirliqining intérnét sehipisige chiqirilghan bayanatqa qarighanda, zerif bilen berdimuhemmedow ikki dölet munasiwetliri bilen birge rayon we xelqaradiki muhim mesililer toghrisida pikir almashturghan.

muhemmed jewad zerif türkmenistanliq mensepdéshi meredow bilen körüshti. ikki ministirning uchrishishida afghanistandiki özgirishler, tömür yoli toshumichiliqi we zémin tewelikini bésip ötüsh mesililiri, énérgiye we éléktir sahesidiki hemkarliq, ikki dölette qamaqta yétiwatqan iran we türkmenistan puqralirining ehwali, hazar déngizi mesilisi we türkmenistan pirézidénti gurbanguli berdimuhemmedowning irangha qaritidighan ziyariti qatarliq mesililer boyiche pikir almashturuldi.

uchrishishta meredow zerifning türkmenistan ziyaritining ehmiyitige isharet qilip, iran bilen barliq saheler boyiche munasiwetlerni güllendürüsh jehette siyasiy iradige ige ikenliklirini bildürdi.

zerifmu, türkmenistan bilen iranning köpligen ortaq menpeeti barliqini we ikki dölet munasiwetlirini téximu güllendürüshke teyyar ikenliklirini eskertti.

iran tashqi ishlar ministiri muhemmed jewad zerif we hemraliqidiki heyet tünügün türkmenistan paytexti ashxabatqa ketkenidi.


خەتكۈچ: türkmenistan , iran

مۇناسىۋەتلىك خەۋەرلەر