filippin hökümiti bilen moro islamiy azadliq aldinqi sépi otturisida kélshim tüzüldi

türkiye awazi radiyosi xewiri: filippinde 2019-yili yanwar we féwral aylirida ötküzülgen référandumda mindanawda bangsamoro aptonom rayoni (BARMM) qurulghandin kéyin, hökümet bilen moro islamiy azadliq aldinqi sépi (MİCK) otturisida yéngi kélishimler imzalandi we malayshiyada tunji körüshüshler emelge ashti.

filippin hökümiti heyiti bilen moro islamiy azadliq aldinqi sépining körüshüshige, malayshiya hökümitige wakaliten kamaruddin mustapa qatnashti.

körüshüshtin kéyin élan qilinghan ortaq bayanatta, terepler otturisidiki muzakirelerning muweppeqiyetlik axirlashqanliqi eskertildi we mundaq déyildi:

«ijra heyetliri bangsamoro kéngeytilgen kélishimining ijra qilinishini kapaletke ige qilish üchün, xelqaraliq közitish heyitining qayta közdin kechürülgen wezipe chüshendürülüshini we 2016-yilidin künimizgiche imzalanghan barliq kélishimlerning birleshtürülüshini imzalap testiqlidi.»

bayanatta, moro islamiy azadliq aldinqi sépi heyitining mindanawdiki bashqa qoralliq guruppilarni muzakire üstilige olturghuzup, tinchliq musapisigha küch chiqirishni wede qilghanliqi qeyt qilindi.

bayanatta eskertilgen kélishimlerning imzalinishigha, filippin we malayshiya hökümet wekilliridin bashqa, türkiye, engliye we yaponiye wekilliridin teshkillengen xelqaraliq közitish heyiti guwahliq qildi.

2019-yili yanwar we féwral aylirida ötküzülgen référandumdin kéyin, mindanawda qurulghan bangsamoro aptonom rayonining bash ministiri haji murat ibrahim 26-féwral rayonluq hökümetni ötküzüwalghan idi. filippin pirézidénti rodrigo roa dutérté teripidin bangsamoro waqitliq hökümitining bash ministirliqigha teyinlengen haji murad ibrahimning 2022-yilighiche dawamliq wezipe ötishi qarar qilinghan idi.

waqitliq hökümetning 80 ezasi bar bolup, 41 ezasi moro islamiy azadliq aldinqi sépidin, 39 ezasi merkiziy hökümettin teshkil tapidu.