siri lankadiki térrorluq hujumlirida jénidin ayrilghanlarni hésablashta xataliq körülgen

siri lankada paskalya bayrimida chérkaw we méhmanxanilarni öz ichige alghan sekkiz nuqtini nishan qilghan térrorluq bomba hujumlirida jénidin ayrilghanlarning sani, buningdin burun bildürülgen 359 din 253 ke özgertilip élan qilindi.

1190287
siri lankadiki térrorluq hujumlirida jénidin ayrilghanlarni hésablashta xataliq körülgen

türkiye awazi radiyosi xewiri: siri lanka sehiye ministirliqi bomba hujumlirida jénidin ayrilghanlarning sanini hésablashta xataliq körülgenlikini, bu sanning 253 ikenlikini élan qildi.

mesul dairiler, hujumni peyda qilghanlarning béshidiki kishi ikenlikini perez qilinghan térroristning, shangri la méhmanxanisi «Shangri-La» gha qilghan hujum jeryanida ölgenlikini bildürdi.

hujumlarni toqquz kishining élip barghanliqi perez qilinmaqta.

saqchi dairiliri térrorluq hujumlirigha chétishliq dep qariliwatqan yette kishining fotografini tarqatti.

siri lanka bash ministiri ranil wikrémésinghé (Ranil Wickremesinghe) paskalya térrorluq hujumini peyda qilghan bezi gumandarlarning hazirmu sirtta ikenlikini eskertip, ularning adem bomba hujumlirini peyda qilalaydighanliqi toghrisida agahlandurdi.

siri lankada xiristiyanlar üchün muqeddes hésablinidighan paskalya bayrimi murasimi jeryanida, chérkawlar we besh yultuzluq méhmanxanilarni öz ichige alghan sekkiz nuqtigha bomba hujumi qilinghan idi. bu hujumlardin kéyin, paytext kolombo etrapidiki asma köwrüklerning yénida partlashlar yüz berdi.

siri lankadiki térrorluq hujumlirida 500 din artuq kishi yarilandi.

térrorluq teshkilati daésh hujumlarning jawabkarliqini öz üstige aldi.



مۇناسىۋەتلىك خەۋەرلەر