sudanda öktichiler herbiy kéngesh bilen muzakirelirini toxtatti

sudan öktichiliri teshkilligen «erkinlik we özgirish xitabnamisi küchliri», waqitliq herbiy kéngesh bilen muzakirelirini toxtatqanliqini, herbiy hakimiyet texttin chüshkiche namayishning dawamlishidighanliqini élan qildi.

1187721
sudanda öktichiler herbiy kéngesh bilen muzakirelirini toxtatti

türkiye awazi radiyosi xewiri: sudanda öktichilerning künlüki astida teshkillengen «erkinlik we özgirish xitabnamisi küchliri», waqitliq herbiy kéngesh bilen muzakirelerni toxtatqanliqini, xelqtin teshkillengen pirézidéntliq kéngishini élan qilishni muzakireler üchün kéchiktürgenliklirini élan qildi.

sudanda töt aydin buyan dölet miqyasida dawamlishiwatqan hakimiyetke qarshi namayishlargha bashchiliq qilghan «erkinlik we özgirish xitabnamisi küchliri», paytext xartumda 15 kündin buyan olturuwélish namayishi qilghan armiye ishtabi aldida axbarat élan qildi.

sudan kesip birleshmisining bayanatchisi muhemmed elemin abduleziz «erkinlik we özgirish xitabnamisi küchliri» ning waqitliq herbiy kéngesh bilen her türlük muzakirelerni toxtatqanliqini, namayishlirini dawamlashturidighanliqlirini bildürdi.

u: «herbiy kéngesh siyasiy özgirish qozghighan hakimiyettur. hakimiyetni xelqqe tapshurghiche küresh qilidighanliqimizni we herbiy hakimiyet texttin chüshkiche paaliyetlirimizning, shundaqla olturuwélish namayishlirimizning dawamlashturidighanliqini jakarlaymiz» dédi.

u herbiy kéngeshni texttin chüshürülgen pirézidént ömer elbeshir hakimiyitini qollighan «dölet muresse küchliri» bilen diyalog ötküzüshni arzu qilghanliqi sewebidin biperwaliq bilen eyiblidi we xelqtin teshkillengen pirézidéntliq kéngishini élan qilishning muzakireler üchün kéchiktürülgenlikini qeyt qildi.

u «erkinlik we özgirish xitabnamisi küchliri» ning pirézidéntliq kéngishi we hökümettiki barliq orunlarni tolduridighanliqini eskertti.

waqitliq herbiy kéngeshning reisi abdulfettah elburhan texttin chüshürülgen sabiq pirézidént ömer elbeshirni öz ichige alghan burunqi hökümettiki kishilerning türmige solanghanliqini we barliq mal-mülüklirini musadire qilinghanliqini bildürdi.

abdulfettah elburhan sabiq pirézidéntning öyidin 7 milyon yawro, 350 ming dollar we bir qanche milyard sudan pulining tépilghanliqini, türmige solanghanlarning chet ellerdiki pullirini dölet qayturuwélish ishlirining nazaret qilinidighanliqini qeyt qildi.

19-dékabir (2018) sudanda iqtisadiy kirizis sewebidin bashlanghan namayishlarning téz sürette paytext xartum we döletning her qaysi jaylirigha kéngiyip hakimiyetke qarshi namayishqa aylinishi netijiside, 11-aprél (peyshenbe) armiyening hökümetning tarqitiwétilgenlikini élan qilishi bilen 30 yilliq ömer elbeshir dewri axirlashqan boldi.

sudan dölet mudapie ministiri awad bin awf dölet téléwiziyeside «aliy xewpsizlik kéngishining reisi» bolush süpitide qilghan sözide, armiyening hökümetni tarqitiwetkenlikini, ikki yilliq waqitliq mezgilning bashlanghanliqini we ömer elbeshirning tutulghanliqini bildürgen idi. biraq, awad bin awf waqitliq herbiy kéngeshning reisi süpitide qesem qilip, aridin 24 saet ötmestinla hoquqidin istépa bergenlikini we ornigha abdulfettah elburhani saylighanliqini élan qilghan idi.

awad bin awf wezipisidin ayrilghandin kéyin waqitliq herbiy kéngeshning béshigha ötken abdulfettah elburhan 13-aprél (shenbe) kéngesh namidin qararname élan qilip, sekkiz kishining kéngesh ezaliqigha wezipige teyinlengenlikini uqturghan idi.

herbiy kéngesh ezaliqigha tallanghan armiyedin alte kishi, saqchi idarisidin bir we istixbarat idarisidin bir kishi qesem bérip wezipisini tapshuruwalghan idi.

herbiy kéngeshning wezipe ötesh mudditining eng köp bolghanda ikki yil bolidighanliqi, hakimiyetni eng qisqa waqit ichide xelq hökümitige ötküzüp bérilidighanliqi jakarlanghan idi.



مۇناسىۋەتلىك خەۋەرلەر