siri lankida meydangha kelgen térrorluq hujumlirini 7 adem bomba sadir qilghan
siri lankida meydangha kelgen térrorluq hujumlirini 7 adem bombining sadir qilghanlqi bildürüldi
türkiye awazi radiyosi xewiri: siri lankida pasxaliya bayrimi tebrikliniwatqan esnada chérkaw we méhmansaraylargha qilinghan térrorluq hujumlirini 7 adem bombining sadir qilghanliqi bildürüldi.
siri lanka hökümet mesulliridin wéliyanga, tünügün etigende kochchikadédiki antoni, katanadidki sébastiyan we battikalodadiki meryem ana qatarliq chérkawlar bilen paytext kolombodiki besh yultuzluq shangrilila, kinnamon grand we kingsburi qatarliq méhmanxanilargha 7 adem bombining hujum qozghighanliqining éniqlanghanliqini éytti.
wéliyanga neq meydandin élinghan jeset parchiliri üstide élip bérilghan tekshürüshlerde hujumlarning adem bomba hujumliri ikenlikining éniqlanghanliqini uqturdi.
shangrilila méhmanxanisida ikki adem bombining, kinnamon grand we kingsburi méhmanxaniliri, antoni, sébastiya we meryem ana chérkawliri qatarliq jaylarning her biridin, birdin adem bombining bedini tépilghanliqini éytqan wéliyanga, paytext kolomboning chet yéridiki bir méman kütüsh orni bilen bir köwrükke yéqin jayda meydangha kelgen partlash weqeliri üstidimu tekshürüsh élip bériliwatqanliqini éytti.
siri lankida tünügün etigende meydangha kelgen térrorluq weqeliride 290 adem ölüp 500din artuq adem yarilanghanidi.
