giwatémala pirézidént namzati amérikida tutqun qilindi

türkiye awazi radiyosi xewiri: giwatémala taratqulirining xewer qilishiche, pirézidént namzati qanunsiz qoral etkeschiliki bilen shughullinish, siyasiy reqiblirige suyiqest qilishni pilanlash we méksikiliq zeherlik chékimlik etkeschilirige giwatémala portliridin paydilanduridighanliqi toghrisida wede bérish qatarliq jinayetler bilen eyiblenmekte iken.

teptish mehkimisining bu heqtiki bayanatida, «oréllananing, dölitide iyul éyida ötküzülüshi pilanliniwatqan omumiy saylamda pirézidént bolup saylanghan teqdirde, özini maliye bilen teminligen <sinaloa bürküti> ge amérika qoshma ishtatlirigha zeherlik chékimlik ewetish jeryanida giwatémaladiki portlardin paydilinish hoquqi béridighanliqini wede qilghanliqi» ilgiri sürülüp nazaret astigha élinghanliqi qeyt qilindi.

oréllananing jinayiti békitilgen teqdirde «10 yildin yuqiri muddetsizdin töwen qamaq jazasigha höküm qilinish éhtimalliqi barliqi eskertilmekte.

amérika zeherlik chékimlikke qarshi küresh qilish bashqarmisi xadimliridin adolfus p.rayt bu heqte bayanat bérip, giwatémalaliq emeldarlar bilen yéqin hemkarliq ornatqan halda tekshürüshni dawamlashturidighanliqlirini bildürdi.

rayt, xelqaradiki ittipaqdashlar bilen birlikte qanunsiz zeherlik chékimlik etkeschilikige qarshi élip bériliwatqan küresh arqiliq, ottura we jenubiy amérikidiki qoshna döletlerning siyasiy sistémilirigha ziyan yetküzüwatqan bu xil qilmishlarning amérikigha ziyan sélishining aldini alidighanliqlirini sözlirige ilawe qildi.