iran instagramgha naraziliq bildürdi

türkiye awazi radiyosi xewiri: abbas musewi iran dölet téléwiziyesi teripidin tarqitilghan bayanatida, instagramning yuqiri derijilik qomandanlarning ezaliq adréslirini taqiwétish qararigha naraziliq bildürdi.

ezaliq adréslirining taqiwétilishige seweb qilip körsitilgen nuqtilarni nezerge almaydighanlqlirini we instagramning bu qilmishini eyibleydighanliqini bildürgen musewi, «bu qedemge estayidil muamile qilmaymiz. amérikiliqlarning qara tizimlikige yéngi bir setchilik ilawe qilindi» dédi.

u sözini dawamlashturup, «tashlanghan bu qedem, gherblikler we kishilik hoquq bilen pikir erkinlikini himaye qilghuchilarning, öz siyasetlirini yaqturmighan we métodlirini qobul qilmighanlarning aldida qanchilik ajiz ikenlikining bir körsetküchidur» dégenlerni qeyt qildi.

ijtimaiy taratqu munbiri instagram, amérika hökümitining iran inqilab muhapizetchiliri qisimlirini resmiy chet el térrorluq teshkilatliri tizimlikige kirgüzüshidin kéyin iran armiyesi bash ishtab bashliqi birigada générali muhemmed bakiri, iran inqilab muhapizetchiliri qisimliri bash qomandani muhemmed eli jeferi, quddus küchliri qomandani qasim süleymani, qoralliq armiye emgek küchi menbeliri idarisi bashliqi musa kamali we bir mezgil iran inqilab muhapizetchiliri sépide wezipe ötigen sabiq radiyo – téléwiziye orgini bashliqi izzetullah zergamining ezaliq adréslirini taqiwetti.

amérika pirézidénti donald tramp, 8 – aprélda iran inqilab muhapizetchiliri qisimlirining amérikining chet el térrorluq teshkilatliri tizimlikige kirgüzülgenlikini uqturghan, iran dölet xewpsizliki aliy kéngishimu buninggha jawaben amérika armiyesini térrorluq teshkilatliri tizimlikige kirgüzgenlikini élan qilghanidi.

iranda intérnét ishletküchilerning %55 i télégramdin qalsila eng keng tarqalghan ikkinchi ijtimaiy taratqu munbiri instagramni ishlitidu.