amérikan hawa yolliri shirkiti boyin seperlirini emeldin qaldurdi

amérikan hawa yolliri shirkiti (American Airlines) 737 – boyin meks (Boeing 737 Max) ayropilan seperlirining awghust éyining otturighiche emeldin qaldurulghanliqini uqturdi.

1183354
amérikan hawa yolliri shirkiti boyin seperlirini emeldin qaldurdi

türkiye awazi radiyosi xewiri: amérikan hawa yolliri shirkiti 737 – boyin meks ayropilan seperlirining emeldin qaldurulghanliqini uqturdi.

amérikadiki eng chong hawa yolliri shirkitining 737 – boyin meks ayropilan seperlirini emeldin qaldurushi, yoluchilarning qattiq naraziliqigha uchridi. shirket bolsa, yoluchilarning ayropilan seperlirini qaytidin tertipke sélish üchün xizmet ishliniwatqanliqini bildürdi.

amérikan hawa yolliri shirkiti deslepte iyun éyighiche békitilgen ayropilan seperlirini emeldin qaldurush pilanini awghustning otturighiche uzartip, sayahetchilikning eng aldirash mezgilide ayropilan seperlirining bixeterlikini kapaletke ige qilishni meqset qilmaqta.

ölüm-yétim weqeliri bilen munasiwiti bar dep qariliwatqan 737 – boyin meks ayropilanliridiki téxnikiliq mesililerning aprél éyighiche hel qilinidighanliqi texmin qilinmaqta. yéqinqi yette ayda «737 – boyin meks8» tipliq yoluchilar ayropilanigha munasiwetlik yüz bergen ikki weqede, hindonéziyede 189, éfiyopiyede 157 kishi jénidin ayrildi.

bu weqeler yüz bergendin kéyin, türkiye hawa yolliri shirkitini öz ichige alghan dunyadiki chong hawa yolliri shirketliri, mezkur ayropilanlarning qara qutisini tekshürüsh ishliri axirlashqiche, bu ayropilan seperlirini emeldin qaldurushni qarar qilghan idi.

amérikan hawa yolliri shirkitining qararidin künige 115 ayropilan sepiri tesirge uchraydu.



مۇناسىۋەتلىك خەۋەرلەر