iraqta 3000 aile yamghur tüpeyli tarqaqlashturuldi

iraqta yüz bergen shiddetlik höl-yéghin tüpeyli 3000 aile bixeter jaygha tarqaqlashturuldi.

iraqta  3000 aile yamghur tüpeyli tarqaqlashturuldi

türkiye awazi radiyosi xewiri: iraqta yüz bergen shiddetlik höl-yéghin tüpeyli öyliri su astida qalghan 3000 aile bixeter jaygha tarqaqlashturuldi.

iraqning jenubigha jaylashqan meysan wilayetlik saqchi bashqarmisi bashliqi kerim el esadi, ikki heptidin buyan izchil dawamlishiwatqan yamghur tüpeyli dijle deryasi boyidiki bezi jaylarni su bésip ketkenlikini bildürdi.

esadi meysandiki kelkün apitide 3000 ailining ammiwi mudapie xadimliri teripidin bixeter jaygha tarqaqlashturulghanliqini éytti.

baghdad hakimiyiti 1-aprélda shiddetlik höl-yéghin tüpeyli kelkün yüz bérishning éhtimalining barliqini közde tutup, dijle deryasi késip ötidighan baghdad, diyala, musul we wasit wilayitidiki ahalilerni agahlandurdi.

iraqning shimalidiki rayonlarda shiddetlik höl-yéghin netijiside nurghun su ambiri téship kétish xewpige duch kelgenliktin éghizliri mejburiy échiwétilgenidi.


خەتكۈچ: iraq

مۇناسىۋەتلىك خەۋەرلەر