iraq pirézidénti: qoshnilirimizgha ziyan yetküzidighan heriketlerge yol qoymaymiz
iraq pirézidénti berhem salih dölitining qoshna ellerge ziyan yetküzidighan héchqandaq bir heriketke yol qoymaydighanliqlirini éytti.
türkiye awazi radiyosi xewiri: iraq pirézidént mehkimisi axbarat wasitiliri ishxanisining bildürüshiche, berhem salih iranning baghdad bash elchisi iréj mesjidini qobul qilghanda bergen bayanatida, rayonda sürkilishni peseytish toghruluq chaqiriqta bolghan, hemde térrorizm we ashqunluqqa qarshi küreshning hemme terepke ortaq payda yetküzidighanliqini tekitlep mundaq dégen: «iraq qoshnilirigha ziyan yetküzidighan, yaki rayonning weziyitini téximu yamanlashturuwétidighan héchbir heriketke qetiy yol qoymaydu.»
amérika qoshma ishtatliri pirézidénti donald tramp iran inqilabiy muhapizetchiler armiyesining «chet ellik térrorluq teshkilatliri tizimliki» ge kirgüzülgenlikini uqturghanidi.
bu heqte aqsaray teripidin élan qilinghan yazma bayanatta, mundaq déyilgenidi: «iran inqilabiy muhapizetchiler armiyesi téhran hökümitining yer shari xaraktérlik térrorizm seperwerlik heriketlirining yönilishini belgilesh we ijra qilish mesiliside asasliq wasitichidur.»
arqidinla iran dölet xewpsizlik kéngishi amérika qoshma ishtatliri merkiziy ariyesining :«térrorluq teshkilatliri tizimnliki» ge kirgüzülgenlikini bildürgenidi.
