әнглийә түркийәниң иқтисадий  әһвалиға йуқири баһа бәрди

лондон пул – муамилә мәркизиниң башлиқи петер естлир түркийәниң нөвәттә дунйа бойичә иқтисадий күчлүк 13 – дөләт икәнликини билдүрди.

1179800
әнглийә түркийәниң иқтисадий  әһвалиға йуқири баһа бәрди

түркийә авази радийоси хәвири: естлир истанбулда түрк сода - санаәтчиләр вә карханичилар җәмийити тәрипидин өткүзүлгән «әнглийәниң йавропа иттипақидин айрилишидин кейинки пул – муамилә вә мулазимәт саһәлиридә түркийә  - әнглийә һәмкарлиқини күчәйтиш» темилиқ йиғинда қилған сөзидә, 2017 – йили әнглийәниң түркийәгә нисбәтән 2 – експорт базири болғанлиқини, әнглийәгә нисбәтән түркийәниң әң муһим сода шерик икәнликини тәкитләп мундақ деди: «түркийә – әнглийә мунасивәтлири наһайити йахши, дәрвәқә бу мунасивәтләрниң тарихи наһайити узун болуп, техиму мустәһкәмлишимизгә тоғра келиду. түркийә нопузи интайин  күчлүк бир дөләт. түркийәниң мөтидил һаваси бизни җәлип қилиду, әнглийәдин түркийәгә наһайити көп сайаһәтчи келиду. чүнки түркийәниң сайаһәтчиләргә қарита мулазимити наһайити йуқири сәвийәдә. икки дөләт оттурисидики сода омумий соммисини 20 милйард доллардин ашурушни нишан қиливатимиз. түркийә иқтисадий җәһәттин учқандәк тәрәққий қилди, нөвәттә түркийә иқтисадий тәрәққийат җәһәттин дунйа бойичә 13 – күчлүк дөләт һесаблиниду. шуни алаһидә тәкитләп өтимәнки, түркийә иқтисадий җәһәттин йавропа әллиригә қариғанда нәччә һәссә тез тәрәққий қиливатиду.»



مۇناسىۋەتلىك خەۋەرلەر