«ishtatni asas qilidighan hökümet tüzümi chare emes»

iraq shie rehber muqteda es-sadir iraqta ishtatni asas qilidighan hökümet tüzümining chare emeslikini bildürdi

«ishtatni asas qilidighan hökümet tüzümi chare emes»

türkiye awazi radiyosi xewiri: iraqta shie rehber muqteda es-sadir iraqta ishtatni asas qilidighan hökümet tüzümi yolgha qoyush chaqiriqlirigha naraziliq bildürüp, buning chare emeslikini bildürdi.

muqteda es-sadir jenubtiki bezi sheherlerning merkizi hakimiyettin musteqil halda ishtatni asasn qilidighan hökümet tüzümi bilen bashqurulushi toghrisida qilinghan chaqiriqlar toghruluq ijtimaiy taratqudiki adrésida toxtilip mundaq dédi: «ishtatni asas qilidighan hökümet tüzümi qiyinchiliqlardin qutulushni arzu qiliwatqan mezlum xelqlerning telipidur, lékin bu tüzüm chare emes.»

wilayetlerge mesul emeldarlarning döletning mal-mülkini oghrilap chiriklik we zulum sadir qélish éhtimalining tolimu yuqirliqini éytqan sadir: bu tüzüm yolgha qoyulsa ichimizdiki we sirttiki menpeetchiler guruhi bizni kontrol qiliwélip, mal-mülüklirimizni musadire qilidighan pursetke érishidu. bular bizni téximu ajizlashturidu, netijide bizni yatlar asanla ishghal qiliwalidu, dédi.

muqteda sadir iraq xelqini iraqning birlik we barawerlikini, zémin pütünlikini qoghdashqa chaqirdi.

iraqta néfit zapisi eng köp bolghan besrening wilayet mejliside bu yil 2-aprélda ötküzülgen awazgha qoyush paaliyitide , 20 mejlis ezasi besre wilayitini musteqil idare rayonigha özgertishke munasiwetlik layiheni qollap awaz bergenidi.


خەتكۈچ: iraq

مۇناسىۋەتلىك خەۋەرلەر