iraq pirézidénti abdulmehdi türkiyege kélidu

: iraq bash ministiri adil abdulmehdi türkiye we bezi pars qoltuqi döletlirini ziyaret qilidu.

iraq pirézidénti abdulmehdi türkiyege kélidu

türkiye awazi radiyosi xewiri: iraq bash ministiri adil abdulmehdining türkiye we bezi pars qoltuqi döletlirini ziyaret qilidighanliqi bildürüldi.

iraq dölet téléwiziye qanilining bu heqtiki  xewiride, paytext baghdadta heptilik muxbirlarni kütüwélish yighinida söz qilghan abdulmehdining munu sözlirige orun ajritildi: « qoshna döletler bilen munasiwetlirimizni tüzeshni xalaymiz,biz ular bilen ixtilap qilghumiz yoq, qoshinilirimiz bilen arimizda uzundin buyan ixtilap mewjut, biz ortaq qimmet qarashlirini asas  qilghan halda barliq döletler bilen yaxshi munasiwet ornitishqa tirishimiz, bu dairide türkiye we bezi pars qoltuqi döletlirini ziyaret qilimen.»

iraq bash ministiri seudi erebistandin 90 kishilik bir heyetning bügün baghdadqa kélidighanliqini éytip, ikki hepte ichide chet el ziyaritini bashlaydighanliqini bildürdi.

riyad ziyaritining tepsilati toghruluqmu toxtalghan abdulmehdi, seudi erebistanda ikki dölet munasiwetliri, tamozhna mesilisi we iraqliqlarning hej qilishi qatarliq mesililerning kéngesh qilinidighanliqini éytti.

iraq bash ministiri pirézidént bolghandin buyan tunji bolup misirni ziyaret qilghanidi.

bu jeryanda baghdadqimu iran, seudi erebistan, qatar we ammangha oxshash qoshna döletlerdin nurghun aliy derijilik emeldrlar we soda heyetliri keldi.


خەتكۈچ: iraq , türkiye

مۇناسىۋەتلىك خەۋەرلەر