исраилийә әскәрлири 12 пәләстин пуқрасини назарәткә алди

түркийә авази радийоси хәвири: исраилийә армийәси тәрипидин елан қилинған йазма байанатта, ғәрбий қирғақниң охшаш болмиған җайлирида кечидә елип берилған бесип кирип тәкшүрүшләрдә «террорлуқ вәқәлиригә арилашқан» дегән баһанә билән 12 пәләстинликниң назарәткә елинғанлиқи билдүрүлди.

байанатта йәнә мәзкур пәләстинликләрниң райондики тутуп туруш мәркизигә йолланғанлиқи билдүрүлди.

исраилийә әскәрлири ишғалийити астидики ғәрбий қирғақ вә шәрқий қуддуста пат – пат өйләргә бесип кирип, һәр хил баһаниләр билән пәләстин хәлқини назарәткә елишни давамлаштурмақта.

ғәрбий қирғақ вә шәрқий қуддуста адәттики ишқа айлинип қалған назарәткә елиш вәқәлиридә, айаллар вә кичик балиларниму өз ичигә алған пәләстинликләрдин бәзилириниң қанчилиған күнләргичә тутуп туруш мәркизигә солап қойулидиғанлиқи билдүрүлмәктә.

пәләстин рәсмий мәнбәлириниң билдүришичә, исраилийә түрмилиридә 500 гә йеқин мәһбус вә 230 кичик балини қошқанда, җәмий 5700 пәләстинлик тутуп турулмақта.