б д т баш катипи әрәб дунйасини иттипақлишишқа чақирди

б д т баш катипи антонийо гутеррс әрәб дунйасиниң иттипақлишишиниң, оттура шәрқтики тинчлиқ вә муқимлиқниң асасий шәрти икәнликини ейтти.

1174476
б д т баш катипи әрәб дунйасини иттипақлишишқа чақирди

түркийә авази радийоси хәвири: б д т баш катипи антонийо гутеррс тунисниң саһибханлиқида башланған 30-нөвәтлик әрәб иттипақи рәһбәрләр йиғиниға қатнашти. у әрәб дунйасиниң иттипақлишишиниң оттура шәрқтики тинчлиқ вә муқимлиқниң асасий шәрти икәнликини әскәртип, б д т ниң районда тинчлиқ вә муқимлиқни қоғдаштин башқа ролиниң йоқлуқини билдүрди.

у пәләстин-исираилийә мәсилисидә, икки дөләтлик һәл қилиш чарисини тәкитлиди. у пәләстин билән исираилийәниң йанму йан туруп, тинчлиқ вә муқимлиқ ичидә мәвҗут болуп туруши үчүн бу чариниң йолға қойулушини, қуддусниң икки дөләтниң пайтәхти болуши керәкликини؛ буниңда иккинчи таллаш йолиниң йоқлуқини қәйт қилди.

у йәмән киризиси һәққидә тохталғанда, йәмән хәлқиниң мәсилилирини һәл қилиш тиришчанлиқлирини давамлаштуруватқанлиқлирини, һудәйдә шәһиридә мәсилини сийасий йол билән һәл қилиш рамкисида тинчлиқни қоғдаш үчүн барлиқ тәрәпләр билән көрүшкәнликлирини билдүрди.

у ливийә мәсилисидә, апрел ейиниң оттурида өткүзүлүши пилан қилинған вә б д т оттуриға қойған мәсилини сийасий йол билән һәл қилиш пиланида ахирқи қәдәм һесаблинидиған «мәмликәтлик дийалог мунбири» ниң мувәппәқийәтлик болушини үмид қилидиғанлиқини ейтти.



مۇناسىۋەتلىك خەۋەرلەر