jéfréy: y p g mesiliside türkiye bilen hemkarlishiwatimiz

amérika qoshma ishtatlirining süriye alahide wekili jeyms jéfréy süriye chégralirining melum qismidin bölgünchi térrorluq teshkilati p k k ning süriyediki gumashtisi y p g ni yiraqlashturush mesiliside türkiye bilen hemkarlishiwatqanliqlirini éytti.

1171038
jéfréy: y p g mesiliside türkiye bilen hemkarlishiwatimiz

türkiye awazi radiyosi xewiri:  jéfréy amérika qoshma ishtatliri tashqi ishlar ministirliqida muxbirlarning soallirigha jawab bergende, dölitining süriyediki nishanining térrorluq teshkilati daéshni üzül - késil yoqitish ikenlikini tekitlep mundaq dédi: «nöwette biz daéshni üzül - késil yoqitish aldida turuwatimiz, lékin, daéshning mexpiy yer asti uwiliri bar bolup, bezi kishilerning <daésh mewjudiyitini dawamlashturuwatidu> dep qaraydighanlini bilimiz.»

amérika qoshma ishtatlirining süriyediki herbiy mewjudiyiti toghriliqmu toxtalghan jéfréy, mundaq dédi: «nahayiti az sandiki eskerlirimiznwt  waqti éniq békitilkmigen muddetkiche térrorchilarni tazilash hem daéshqa qarshi muqimliqni saqlash heriketlirini élip bérish üchün süriyening sherqiy shimalida we eltanif rayonida wezipe ötimekte.»

jéfréy amérika qoshma ishtatlirining süriyedin qoshun chékindürüshige alaqidar soallargha jawab bergende, mundaq dédi: «qoralliq küchler chékinishke bashlidi,  shu yerde wezipe öteydighanladin bashqa eskerlerning hemmisi chékinidu.»

amérika qoshma ishtatlirining süriyediki shérikliri bilen dawamliq hemkarlishidighanliqini éytqan jéfréy, türkiye chégrasida berpa qilinidighan «biterep rayon» heqqide tepsiliy melumat bérip mundaq dédi: «türkiye bilen hemkarliship ishlewatqan xizmitimiz, türkiyening chégra rayonlirini boylap melum bir jayda y p g bolmighan <biterep rayon> shekillendürüshni nishan qilidu. chünki, y p g ning bölgünchi térrorluq teshkilati p k k bilen bolghan munasiwiti türkiyeni qattiq renjitmekte, bu bizgimu ayan. ittipaqdash küchliridin süriyediki daéshqa qarshi küreshni dawamliq qollishini telep qilghaniduq, bu heqte ijabiy jawabqimu érishtuq.»

u, muxbirlarning daéshning kattibéshi ebubekir beghdadining qeyerde ikenlikige alaqidar soallirigha jawab bergende, uning qeyerdilikini téxiche bilmeydighanliqlirini, emma, uni öltürüshning eng muhim nishanliridin biri ikenlikinimu sözlirige ilawe qildi.



مۇناسىۋەتلىك خەۋەرلەر