bir amérika eskiri islam merkizini partlitishqa urunush jeryanida musulman boldi
amérikiliq bir esker nepret tupeylidin islam merkizini partlitishni pilanghan we mezkezni közdin küchürgensiri islam bilen tonushup musulman bolghan.
türkiye awazi radiyosi xewiri: yéngi zélandiyediki ikki jamege qilinghan térrorluq hujumidin kéyin, aq tenlikler irqiwazliqi we islamgha öchmenlik qilish éqimi taza talash – tartish qiliniwatqan peytte, amérikiliq esker richard mik kinnéyning musulman bolush hékayisi alahide diqqet tartmaqta.
richard mik kinnéy indiana ishtatidiki islam merkizige bomba hujumi qilishni pilanlighan bir eskerdin musulman bolghuche we emdilikte islam merkizining bashliqigha aylanghiche bolghan jeryanlar heqqide axbaratchilar bilen söhbet ötküzdi.
yerlik metbuatlarning xewer qilishiche, richard mik kinnéy amérika déngiz armiye piyade qisimliri dairiside ottura sherq, somali, fillippin we jenubiy amérika qatarliq rayonlarda uzun yilghiche wezipe ötigen bolup, u amérikigha qaytqandin kéyin ichining musulmlargha qarshi ghezep- nepret bilen tolup tashqanliqini bildürgen. kéyinche eqlige bir jameni yoqitip, nurghun sanda musulmanlarni öltürüsh yaki yaridar qilish xiyali kelgen we özi yasiwalghan bombilar bilen yéqindiki munjine islam merkizige hujum qilishni pilanlighan.
u chaghda qolgha élinip türmige kirip qilishqimu pisent qilmighanliqini chüshendürgen mik kinnéy bir küni kichik qizining mekteptin öyge qaytip kélipla, sinipigha yéngi kelgen bir musulman qizning kéyim – kéchekliri heqqide sözlep bergenlikini, shuning bilen mehellisidiki islam merkizige bérip musulmanlar bilen tonushqanliqini qeyt qildi.
islam merkizide musulmanlarning uninggha quran ayetlirini oqup bergenlikini we 8 heptide islamdin qattiq tesirlengenlikini tilgha alghan mik kinnéy, «jamede künisiri téximu köp waqit serp qilishqa bashlidim we hemme nerse intayin mentiqiliq tuyulushqa bashlidi. shahadet éytip musulman bolushni xalidim we musulman boldum» dédi.
mik kinnéy musulman bolghandin kéyin nurghunlighan insanlargha nisbeten bir ilham menbesi bolghanliqini, bir chaghlarda bomba hujumi qilishni pilanlighan munije islam merkizining bashliqigha aylanghanliqini chüshendürdi.
islam heqqidiki xata chüshenchiliri we tuyghulirini tüzitip, musulmanlarni qollashni dawamlashturghanliqini qeyt qilip, «islam merkizini we bu yerdiki insanlarni qoghdash üchün kéreklik néme bolsa, shuni qilimen» dédi.
