америкалиқ бәзи дөләт мәҗлис әзалири русийә делоси тоғрулуқ байанат бәрди
америкалиқ бәзи дөләт мәҗлис әзалири доналд трампқа қарши испат тепилған тәқдирдә, конкрет қәдәм ташлийалайдиғанлиқлирини билдүрүшти.
түркийә авази радийоси хәвири: америкалиқ бәзи дөләт мәҗлис әзалири әдлийә министирлиқи тәрипидин елип бериливатқан русийә делосида америка пирезиденти доналд трампқа қарши испат тепилған тәқдирдә, конкрет қәдәм ташлийалайдиғанлиқлирини билдүрүшти.
« ABC »телевизийә қанилиниң зийаритини қобул қилған америка авам палатаси истихбарат комитети башлиқи вә калифорнийә иштати вәкили адәм счиф, алаһидә һоқуқлуқ тәптиш роберт муеллер тәрипидин елип бериливатқан русийә делосидин пат йеқинда нәтиҗә чиқмайдиғанлиқини әскәртти.
роберт муеллерниң һазирқи әһвалда һәр қандақ бир шәхс үстидә қарар чиқарғили болмайдиғанлиқини дегәнликини ейтқан счиф, бу әһвалниң делониң тәрәққийатиға нисбәтән муһим әмәсликини ейтти.
счиф тәптиш муеллерниң америка пирезиденти доналд трамп тоғрулуқ һазирчә әйибнамә тәййарлаш еһтималиниңму йоқ болғанлиқини дегәнликини әслитип өтүп: навада пирезидент трампқа даир испат тепилған тәқдирдә, дөләт мәҗлиси тегишлик қәдәмни ташлайду, деди.
вәкил счифниң бу сөзлири дөләт мәҗлисиниң доналд трампни вәзиписидин елип ташлаш үчүн қәдәм ташлийалайдиғанлиқидин дерәк бериду.
авам палатаси әдлийә комитети башлиқи вә нийуйорк вәкили җеррод нәдлер, әдлийә министирлиқиниң тәптиш муеллерниң доклатини дөләт мәҗлиси билән ортақлашмаслиқини тәнқид қилди.
« Fox -хәвәр»қанилиниң зийаритини қобул қилған җеррод нәдлер , әдлийә министирлиқиниң тәптиш муеллерниң доклатини ашкарилашни рәт қилишиниң, русийә делосиниң балдурақ айдиңлаштурулушиға тәсир йәткүзидиғанлиқини билдүрди.
нәдлер пирезидент доналд трампниң сотлиналмаслиқиниң дөләт мәҗлисиниң һәрикәткә өтүшигә шараит йаритип беридиғанлиқини әскәртип: дөләт мәҗлиси қолида испат болса андин һәрикәткә өтәләйду, деди.
әдлийә минситирлиқи тәптиш муеллерниң тәкшүрүш доклатини дөләт мәҗлиси билән ортақлашмиған әһвалда, әдлийә министириниңму дөләт мәҗлисидә сораққа тартилидиғанлиқини ейтқан нәдлер мундақ деди: «худдий һәммә адәмгә охшаш пирезидентму қанун даирисидә әмәс.»
алаһидә һоқуқлуқ тәптиш муеллер, доналд трамп утуп чиққан 2016-йилдики пирезидентлиқ сайлимиға русийәниң арилишип арилашмиғанлиқи үстидә тәкшүрүш елип бериватқан болуп, тәкшүрүш доклатини мушу шәнбә күни әдлийә министири вилйам барриға тапшурғаниди.
әдлийә министири вилйам барри америка алий палатаси вә авам палатасиниң әдлийә комитетлириға хәт әвәтип, тәкшүрүш нәтиҗилирини алақидар орунларға йәткүзүп беридиғанлиқини билдүрди.
