әнглийәдә иттипақтин чекинишни әмәлдин қалдурушни қоллайдиғанлар сани 5 милйондин ашти

әнглийә һөкүмитигә йавропа иттипақидин чекиниш мусаписини әмәлдин қалдурушни чақириқ қилған илтимасқа қойулған имза сани 5 милйондин ашти.

1169730
әнглийәдә иттипақтин чекинишни әмәлдин қалдурушни қоллайдиғанлар сани 5 милйондин ашти

түркийә авази радийоси хәвири: әнглийәдә йавропа иттипақидин чекиниш мусаписини әмәлдин қалдурушни чақириқ қилған илтимасқа қойулған имза сани 5 милйондин ашти. «50-маддини әмәлдин қалдур вә йавропа иттипақида қал» темилиқ илтимаста мундақ дейилиду:

«йавропа иттипақида қелиш үчүн хәлқниң қоллишиниң күчини көрситип, буни ахирлаштуришимиз керәк.»

әнглийәдә бу хил илтимасларға 10 миң киши имза қойған тәқдирдә, һөкүмәт җаваб беришкә мәҗбур болиду. имза сани 100 миңдин ашқанда болса, илтимастики тәләп парламентта күнтәртипкә қойулиду.

әнглийә 2016-йили 23-ийундики реферандумда %52 аваз билән йавропа иттипақидин чекинишни қарар қилған иди. һөкүмәт 2017-йили 29-март лисбон келишими әзалириниң иттипақтин чекиниш мусаписиға мунасивәтлик 50-мадда бойичә чекиниш мусаписини рәсмий башлиған иди.

реферандумда, 17 милйон 410 миң 742 киши йавропа иттипақидин чекинишни, 16 милйон 141 миң 241 киши йавропа иттипақиниң әзаси болуп қелишни қоллиған иди.



مۇناسىۋەتلىك خەۋەرلەر