iraq armiyesi sinjargha zapas qisim yollashni qarar qildi

iraq armiyesi bash ishtab bashliqi osman elghanimi, musulgha qarashliq sinjargha zapas qisim ewetishni qarar qilghanliqlirini élan qildi.

1167753
iraq armiyesi sinjargha zapas qisim yollashni qarar qildi

türkiye awazi radiyosi xewiri: iraq armiyesi bash qomandanliq ishtabi yazma bayanat élan qilip, elghanimining, armiye bilen bölgünchi térrorluq teshkilati p k k otturisida toqunushlar yüz bergen musulning sinjar nahiyeside herbiy emeldarlar bilen körüshkenlikini bildürdi.

uchrishishta, «iraq armiyesi döletning inawitige wekillik qilidu we u bizning qizil siziqimizdur» dégen elghanimi, sinjarda yüz bergen toqunushlardin kéyin nahiyege zapas qisim ewetishning qarar qilinghanliqini eskertti.

u yene, «qoralning döletning qolida bolushi, xewpsizlik küchliri we xelqke hujum qilghuchilargha tömür mush étilishi» toghrisida buyruq chüshürdi.

bash ministir adil abdulmehdimu aldinqi qétimliq muxbirlarni kütüwélish yighinida, sinjarda zörür bolghan tedbirlerning yolgha qoyulghanliqini bildürüp, ikki iraq eskirini öltürgen p k k ezalirining teslim bolghanliqini bildürgenidi.


خەتكۈچ: #iraq , #sinjar , #esker , #p k k

مۇناسىۋەتلىك خەۋەرلەر