teywen rehbirining chet el ziyariti xitayning oghisini qaynatti
xitay teywen rehbiri tisay ing wénning amérikigha tewe bir ishtatta toxtap ötishige naraziliq bildürüp, amérika hökümitining teywen rehbirining ziyaritige yol qoymasliqi kérekliki heqqide chaqiriq élan qildi.
türkiye awazi radiyosi xewiri: xitay tashqi ishlar ministirliqi bayanatchisi ging shuang paytext béyjingda ötküzgen axbarat élan qilish yighinida, "bir xitay, bir teywen" sheklide "ikki xitay" yaritish siyasitini yolgha qoymaqchi bolghan herqandaq döletning pütün xitay xelqining naraziliqigha uchraydighanliqini bildürüp, amérika hökümitini teywen rehbiri tisayning amérikigha qarashliq haway ishtatini ziyaret qilishigha yol qoymaslliqqa chaqiriq qildi.
ging shuang teywen rehbiri tisayning ziyaritige qarita amérikigha naraziliqlirini bildürgenlikini tekitlep, «amérika xitay bilen diplomatik munasiwet ornatqili uzun boldi we bashqa döletlerning bu xil yandap ötüshlerde bolishigha qetiy qarshi chiqimiz. bu pozitsiye ochuq - ashkaridur» dédi.
xitay tashqi ishlar ministirliqi bayanatchisi yene, amérika – xitay özara munasiwetliri arqiliq teywenning tinchliqi we muqimliqini qoghdash üchün amérika hökümitining bir xitay pirinsipigha riaye qilishi, teywen rehbiri tisayning huway ishtatidin ötishige yol qoymasliqi we teywendiki musteqilliqni qollighuchi küchlerge xata signal yollimasliqi kérekliki heqqide chaqiriq élan qildi.
teywen rehbiri tisay ing wén tinch okyandiki döletlerni we amérikning haway istatini ziyaret qilish pilani bilen bügün teywendin yolgha chiqqan idi.
tisay bu qétimqi ziyaret pilani dairiside, palau, nayru we marshal arallirini ziyaret qilidu. bu ziyaretler üchün amérikining haway ishtatidimu toxtap ötidu.
tisay bu ziyaretlerde palau we nayru bilen déngiz sahili bixeterlik kélishimi imzalaydu. bu dairide teywen bilen diplomatik munasiwetliri bolghan palau we nayru üchün bir danidin 8 tonniliq charlash paraxotlirining yasilishi üchün meblegh bilen teminleydu.
xitayda 1940 - yili maw zidung hakimiyet béshigha kelgendin kéyin bezi hökümet ezaliri teywenge qéchip kelgen we aralda musteqilliqini élan qilghan hemde «milletchi xitay» depmu atilidighan teywen hökümiyitini qurup chiqqan idi. biraq xitay hökümiti teywenning musteqilliqini étirap qilmay kelmekte.
xitay hökümiti «bir xitay» pirinsipigha asasen eger teywen musteqilliqini élan qilsa, herbiy küch ishlitip mudaxile qilidighanliqini ilgiri sürmekte.
