yawropa ittipaqi gugulni yene jazalidi

yawropa ittipaqi gugulning élan mulazimet sistémisi « AdSense »ni eyiblep jaza berdi.

1167357
yawropa ittipaqi gugulni yene jazalidi

türkiye awazi radiyosi xewiri: yawropa ittipaqi gugulning élan mulazimet sistémisi « AdSense »ni bazardiki nopuzidin qalaymiqan paydilinish bilen eyiblep, 1 milyard 49ming yawro tölem jazasi berdi.

yawropa ittipaqi komitéti, gugul shirkitining üchinchi terep intérnét tor betliri bilen tüzgen kélishimlerde cheklime xaraktérlik maddilargha orun ajritip, reqiblirining bu tor betlirige élan bérishige tosalghu bolghanliqining éniqlanghanliqini bildürdi.

gugulning élan mulazimet sistémisi « AdSense », intérnét tor béti igiliri bilen élan bergüchiler otturisida wastichilik roli oynaydu.

yawropa ittipaqi 2017-yili gugulning intérnét soda-sétiq mulazimetliride réqabet qaidisige xilapliq qilghanliqini bildürüp, 2 milyard 420 ming yawro tölem jazasi bérishni qarar qilghanidi.

yawropa ittipaqi 2018-yilimu gugulni eqilliq téléfon we tablétqa oxshash köchme üskünilerde ishlitilidighan androyid sistémisida bazardiki nopuzidin qalaymiqan paydilinish bilen eyiblep, gugul shirkitige 4 milyard 300 milyon yawro tölem jazasi bergenidi.

yawropa ittipaqi komitétining yawropa ittipaqigha eza döletlerdiki shirketlerning riqabet qaidisige xilapliq qilip qilmasliqini nazaret qilish hoquqi bar.  

yawropa ittipaqi komitéti, nawada shirketlerning riqabet qaidisige xilapliq qilghanliqini éniqlap chiqqan teqdirde, shirketlerge zor miqdarda tölem jazasi béridu.


خەتكۈچ: #gugul , #yawropa ittipaqi

مۇناسىۋەتلىك خەۋەرلەر