awstiriye yehudiylar solanghan lagérlarni mejburiy ziyaret qilish siyasitini yolgha qoyidu

rkiye awazi radiyosi xewiri: awstiriye ichki ishlar ministirliqi musulmanlargha qarita qoyulidighan natsistlar dewridiki yehudiylar solanghan lagérlarni ziyaret qilish siyasiti toghrisida bayanat élan qildi. minisitirliqning yazma bayanatida, ötken ay (féwral) da élip bérilghan yehudiylargha qarshi pikir-éqimlarni tekshürüsh netijiside, musulman balilarning isirailiyege tutqan tenqidiy we selbiy qarashlargha ige ige ikenlikining bayqalghanliqi؛ kéyinki heptilerde yehudiylargha qarshi pikir-éqimlargha qarshi küresh qilish ramkisida, aldini élish xaraktérlik qanun-layihelirining ijra qilinidighanliqi bildürüldi.

bayanatta, awstiriye ichki ishlar ministirliqining meslihetchisi kagholiné échshtédle (Karoline Edtstadler) ning sözlirigimu orun ajritildi.

meslihetchi kagholiné échshtédle türk we ereb perzentlerde yehudiylargha qarshi qarashlarning bayqalghanliqini ilgiri sürüp: «köchmen aililerning perzentlirige qaritilidighan mektep we telim-terbiye organlirida bu xil pikir-éqimlargha qarshi küresh qilishni mezmun qilghan xizmetlirimizni kücheytimiz» dédi.

u awstiriye islam jamaiti we islam dersi oqutquchiliri bilen körüshüp, awstiriyege kelgen musulmanlarning yighiwélish lagérlirini ziyaret qilish siyasitini emelge ashurushni xalaydighanliqlirini eskertti. u, bu xil siyasetlerning yehudiylargha qarshi éqimlarni chüshinish nuqtisidin muhim ikenlikini bildürdi.