у террористниң исмини еғизға елишни халимаймән

түркийә авази радийоси хәвири: йеңи зеландийә баш министири җасина ардерн кристчорч шәһиридә 50 адәм җенидин айрилишиға сәвәб болған вә икки җамәгә қилинған террорлуқ һуҗумини пәйда қилған кишиниң исмини еғизиға елишни халимайдиғанлиқини билдүрди.

б б с (BBC) хәвиридә көрситилишичә, баш министир җасина ардерн парламентта: «бу террорлуқ һуҗуми билән көп нәрсини ойлиған иди, буниң бири начар шөһрәт иди. бу сәвәбтин униң исмини тәләппуз қилғанлиқимни қәтий аңлимайсиләр» дегән.

у парламент әзалиридин террористниң ашқун террорлуқ һуҗумида җенидин айрилғанларниң исмини ейтишини тәләп қилип: «у террорист, у җинайәтчи, у ашқун. униң һәққидә гәп қилғинимда исми еғизға елинмайду» деди.

у фәйсбук мәсуллири билән алақә қиливатқанлиқлирини, террорлуқ һуҗуминиң ведиосини өчүрүветиштә көрсәткән тиришчанлиқлар һәққидә мәлумат алғанлиқлирини билдүрди вә видеониң интернет дунйасида мәвҗут болуп турушидин үмидсизләнгәнликини әскәртти.

баш министир җасина ардерн видеони тарқатқан мунбәрләрниң «почта орунлири әмәс, ахбарат органлири» икәнликини, шуңа мәсулийәтчанлиқ билән муамилә қилиши керәкликини қәйт қилди.

у йәнә, йеңи зеландийәдә қорал-йарағ ислаһатиниң 10 күн ичидә елан қилинидиғанлиқини, истихбарат вә хәвпсизлик органлириниң террорлуқ һуҗумлирини байқаш җәһәттики мувәппәқийәтсизлики үстидики тәкшүрүшләрниң давамлишиватқанлиқини тәкитлиди.

җасина ардернниң парламентта мусулман җәмийәтлириниң рәһбәрлири билән көрүшүп йиғин ачқанда, «әссаламуәләйкум» дәп салам қилиши алаһидә диққәт қозғиди.

бу җәрйанда, кристчорч шәһиридә күндилик турмушниң нормал һалға кәлгәнлики билдүрүлди, террорлуқ һуҗумида җенидин айрилғанлар давалаш астиға елинған дохтурха әтрапидики кочилар аридин төт күн өткәндә қатнашқа ечиветилди. түнүгүн (18-март) кәчтә охшимиған шәһәрләрдики һәр қайси мәктәпләр вә районлардин кәлгән миңлиған оқуғучи нур җамәсиниң удулидики бағчида топлинип, һуҗумда җенидин айрилғанлар үчүн шам йандурди вә әнәниви маври (Maori) нахшисини ейтти.

йеңи зеландийәниң кристчорч шәһиридә 15-март җүмә намизида 10 минутлуқ пәрқ билән икки җамәгә қилинған террорлуқ һуҗумида 50 адәм җенидин айрилған иди.