yéngi zélandiyening bir ayrodorumida 2 gumanliq quta bayqaldi
yerlik alaqidar mesullar saqchilarning tedbir ornida binani bixeterlik chembiri ichige alghanliqini we bomba pachaqlash etritining rayongha yollanghanliqini bildürdi.
türkiye awazi radiyosi xewiri: yéngi zélandiyede 2 jamege qilinghan térrorluq hujumidin kéyin bixeterlik tedbirliri yuqiri sewiyege chiqirildi. bu esnada 2 gumanliq quta bayqaldi.
yéngi zélandiyede chiqidighan «Otago Daily Times» gézitining xewiride, yéngi zélandiyening jenubidiki dunédin shehiride ayrodorumning qoshumche binasida gumanliq quta bayqalghanliqi sewebidin ayropilan uchushlirining emeldin qaldurulghanliqi bildürüldi.
yerlik bir alaqidar mesul gézitqa bergen bayanatida, saqchilarning tedbir ornida binani bixeterlik chembiri ichige alghanliqini we bomba pachaqlash etritining rayongha yollanghanliqini bildürdi.
yéngi zélandiyening kiristchorch shehiride jüme namizi esnasida 10 minutluq perq bilen 2 jamege qilinghan térrorluq hujumlirida 50 kishi hayatidin ayrilghan idi.
