bir amérika ayropilani jenubiy xitay déngizida uchush siniqi élip bardi
yadro bombisi élip mangghan « B-52H »tipliq bir ayropilanning, xitay déngizida uchush siniqi élip barghanliqi bildürüldi.
türkiye awazi radiyosi xewiri: amérika hind-tinch okyan herbiy ishlar qomandanliqi yadro bombisi élip mangghan « B-52H »tipliq bir ayropilanning, xitay déngizida uchush siniqi élip barghanliqini uqturdi.
qomandanliq teripidin bu heqte élan qilinghan bayanatta, amérika hawa armiyesige qarashliq guam arilidiki « B-52H »tipliq ayropilanning jenubiy xitay déngizida uchush siniqi élip barghanliqi bildürüldi.
bayanatta mundaq déyildi: «amérika ayropilanliri ittipaqdashlirimizni qollash, hind-tinch okyanda erkin we hemmige ochuq muhit berpa qilish üchün qerellik halda jenubiy xitay déngizda uchush élip bériwatidu.»
ötken heptimu amérikagha tewe « B-52 »tipliq bir bombardiman ayropilani yaponiye hawa armiyesige tewe küreshchi ayropilanlar bilen birlikte, jenubiy xitay déngizida uchush élip barghanidi.
amérika hökümiti, xitay hakimiyitining néfit zapisi jehettin mol bolghan parsél we spartli aralliri bolup sherqiy we jenubiy xitay déngizidiki nurghun aral üstide igilik hoquqi barliqini ilgiri sürüp kélishige qarshi chiqip kelmekte.
xitay hökümiti amérikaning bu rayonlarda yadro bombardiman ayropilanliri we urush paraxotlirini ishqa sélip heriket qilishining «buzghunchiliq qilmishi»bolidighanliqini igiri sürmekte.
