әнглийә парламенти йавропа иттипақидин келишимсиз айрилишни рәт қилиш тәклипини қобул қилди
әнглийә парламенти йавропа иттипақидин келишимсиз айрилишни һәр қандақ шараитта рәт қилидиған тәклипни қобул қилди.
түркийә авази радийоси хәвири: әнглийә парламентиниң төвән қанити авам палатасида өткүзүлгән беләт ташлашта мәзкур тәклип 308 гә қарши 312 аваз билән қобул қилинди.
бу нәтиҗә тәклипкә қарши туруп келиватқан баш вәзир тереса мәйгә нисбәтән йеңи бир мәғлубийәт болди.
әнглийә парламентиниң бүгүн кәчтә баш вәзир тереса мәйниң тәклипиниму авазға қойуши мөлчәрләнмәктә.
мәйниң тәклипи 29 – мартта йавропадин һечқандақ келишимсиз айрилишини рәт қилиду. келишимсиз айрилишниң әнглийә вә йавропа иттипақи қанунида мәвҗут таллаш икәнлики тәкитлиниду.
баш вәзир тереса мәйниң йавропа иттипақи билән түзгән «Brexit» келишими 15 – декабирда асаслиқ көп санлиқ аваз билән рәт қилинған иди.
әнглийә 2016 - йили 23 – ийунда өткүзүлгән хәлқниң райиға қойушта %48 гә қарши %52 лик нәтиҗә билән «Brexit» (йәни йавропа иттипақидин айрилиш) қарари мақуллиған иди.
әнглийә йавропа иттипақидин айрилиш һәрикитини 2017 – йили 29 мартта рәсмий башлиған вә нормалда бу йил 29 мартта йавропа иттипақидин рәсмий айрилип болуши керәк иди.