négiriyede boko haramgha ejellik zerbe bérildi
négiriyening sherqiy jenubidiki diffa rayonida élip bérilghan herbiy herikette boko haram teshkilatigha eza 33 térrorchi ujuqturuldi.
türkiye awazi radiyosi xewiri: yerlik metbuatlarning xewirige asaslanghanda, négiriye armiyesi diffa rayonidiki chad chöli etrapida 9 – martta tekshürüsh herikiti bashlighan. 4 künlük tekshürüsh jeryanida, 33 térrorchini ujuqturup nurghun qoral - yaraqlarni qolgha chüshürgen.
boko haram teshklatining aldinqi hepte diffadiki guéskéro rayonda turushluq zhandarma ponkitigha qilghan hujumida, 7 esker ölüp, 20 esker yaridar bolghan idi.
négiriye chégrasigha yéqin jaygha orunlashqan daffa rayoni 2015 – yilidin buyan boko haramning hujumlirigha köp uchrap kelmekte idi.
ammiwiy teshkilatlar hökümetning rayondiki jiddiy haletni yumshitishni telep qilishi asasida béliqchiliq we dora - dermek ishlepchiqirish ishlirigha dair cheklimiler emeldin qalduruldi. shuning bilen teng boko haramning hujumlirimu yuquri örleshke bashlighan idi.
négiriyede 2000 – yilining béshidin béri paaliyet bashlighan boko haram térrorluq teshkilati 2009 – yilidin étibaren élip barghan kolliktip zorwanliq heriketliride jemiy 20 mingdin köprek kishining jénigha zamin boldi.