хитай парахоти вийетнамниң бир белиқчи парахотини чөктүрүвәтти
җәнубий деңизда вийетнамниң бир белиқчи парахоти хитай парахотиниң соқуши нәтиҗисидә чөкүп кәтти.
түркийә авази радийоси хәвири: вийетнам һөкүмитиниң нам-шәрипини ашкарилашни халимиған бир хадими хитай парахотиниң парасел тақим араллири әтрапида вийетнамниң белиқчи парахотини суға чөктүрүвәткәнликини, парахоттики бәш кишиниң йәнә бир вийетнам парахоти тәрипидин қутқузувелинғанлиқини билдүрди.
хитай 1947-йили елан қилған хәритә билән игилик һоқуқи талаш-тартиш қилиниватқан йәр асти байлиқлири мол болған җәнубий деңизниң %80 ниң өзигә тәвә икәнликини илгири сүрүватқан болуп, филиппин, вийетнам, бируни вә малайшийа қатарлиқ қошна дөләтләр билән игилик һоқуқ дәваси қилмақта.
хитай һөкүмитиниң җәнубий деңиздики аралларға сүний һәрбий базиларни қуруп, пәйда қиливатқан игилик һоқуқ дәвасиға, райондики қошна дөләтләрдин башқа америкаму қарши чиқмақта.
хәлқарада «парасел» вә «спиратил» дәп атилидиған тақим аралларни, вийетнам «хоаң са» вә «чуң са», хитай болса, «шиша» вә «нәнша чүндав» дәп атайду.
