hilari kliton 2020 – yili ötküzülidighan pirézidént saylimida namzat bolmaydu
amérika qoshma ishtatlirida démokratlar partiyesining 2016 – yili ötküzülgen pirézidént saylimida namzat bolghan sabiq tashqi ishlar ministiri hilari klinton 2020 – yili ötküzülidighan saylamda namzat bolmaydighanliqini jakarlidi.
türkiye awazi radiyosi xewiri: hilari klinton niyu yorkta «‹ News 12 › téléwiziye qanili» gha bu heqte bergen bayanatida, mundaq dédi: «2020 – yili ötküzülidighan saylam riqabitige qatnashmaymen, kimlerge ishensem, shular üchün dawamliq xizmet ishleshke, nutuq sözleshke we ularni qollashqa tirishimen. hazir boluwatqan ishlar dölitimizni xewpke duchar qilidighan ishlar bolup, bu méni tolimu biaram qilmaqta. namzatliq mesiliside ilgiri namzat bolghan köpligen shexsler bilen körüshtüm, emma ularning kelgüside herqandaq bir dölet orginida xizmet qilish üchün namzat bolmaydu, dep qaraymen.»
hilari klinton amérika qoshma ishtatliri tarixida démokratlar partiyesi ichide pirézidént saylimida riqabetleshken nunji ayal namzat hésablinidu.
2020 – yili ötküzülidighan pirézidént saylimi üchün, hazirghiche démokratlar partiyesidin wérmont palata ezasi bérnié sandérs, massachuséts palata ezasi élizabit warrén, niyu jérséy palata ezasi kori bokér, kaliforniye palata ezasi kamala harris qatarliqlar namzat bolghanliqlirini bildürdi.
