kataloniyede omumiy ish tashlash bashlandi

ispaniyening sherqige jaylashqan kataloniye aptonom rayonida ötküzülgen omumiy ish tashlashta chiqqan weqelerde töt kishi tutuldi, 16 yerlik saqchini öz ichige alghan 46 kishi yinik yarilandi.

1150555
kataloniyede omumiy ish tashlash bashlandi

türkiye awazi radiyosi xewiri: musteqilliqni qollaydighan ijtimaiy teshkilatlar, ishchilar uyushmiliri we siyasiy partiyeler 12-féwral (seyshenbe) ispaniye paytexti madridta bashlanghan we toqquz tutup turuluwatqan rehberni qoshqanda jemiy 12 neper kataloniye rehbiri sotlanghan délogha naraziliq bildürüsh üchün, omumiy ish tashlashni chaqiriq qildi.

omumiy ish tashlash deslepte barsélonada, arqidin girona, tarragona qatarliq kataloniyening muhim sheherliride partlap, qatnashni palech halgha chüshürüp qoydi.

namayishchilar tünügün (21-féwral) etigende muhim tashyollar we kochilarning qatnishini tosti, poyiz we métro qatnishinimu tosushqa urundi. bu jeryanda yüz bergen weqelerde töt kishining tutulghanliqi, 16 yerlik saqchini öz ichige alghan 46 kishining yinik yarilanghanliqi élan qilindi. yarilanghanlar arisida, namayishchi bir guruppining hujumigha uchrighan ispaniyelik bir muxbirning barliqi eskertildi.

barsélonada omumiy ish tashlash munasiwiti bilen keng kölemlik yighilish ötküzüldi. «21-féwral omumiy ish tashlash. heq-hoquq bolmisa, erkinlikmu bolmaydu» dégen shoar yézilghan lozunkilarni kötürüwalghan minglarche kataloniye xelqi «musteqilliq», «siyasiy tutqunlargha erkinlik» dep shoar towlidi.



مۇناسىۋەتلىك خەۋەرلەر