мусулман қериндашлар тәшкилати 9 йашқа өлүм җазаси иҗра қилинғанлиқини әйиблиди

мусулман қериндашлар тәшкилати баш мупәттиш һишам бәрәкатқа қилинған суйиқсәт делоси даирисидә, 9 гумандар йашқа өлүм җазаси иҗра қилинғанлиқини әйиблиди.

мусулман қериндашлар тәшкилати 9 йашқа өлүм җазаси иҗра қилинғанлиқини әйиблиди

 

түркийә авази радийоси хәвири: мусулман қериндашлар тәшкилати тәрипидин елан қилинған йазма байанатта, баш мупәттиш һишам бәрәкатқа қилинған бомба һуҗумиға җавабкар дәп қарилип, 9 йашқа өлүм җазаси иҗра қилинғанлиқи ейибләнди вә «бигунаһларниң қениниң төкүлишигә вә дөлитимизниң барлиқ саһәләрдә начарлишиватқан йүзлинишигә мисир һөкүмити җавабкардур» дейилди.

байанатта йәнә, әркин виҗданға игә барлиқ кишиләрниң өлүм җазаси иҗра қилинған 9 йаш үчүн җүмә намизиниң арқидин ғайибанә җиназә намизи оқуши керәкли һәққидә чақириқ елан қилинди.

мисирда 2015йили йүз бәргән баш мупәттиш һишам бәрәкатқа суйиқәст қилиш делосида өлүм җазасиға һөкүм қилинған гумандарларниң өлүм җазаси түнүгүн иҗра қилинған иди.

мусулман қериндашлар тәшкилатиниң әң йуқири иҗраийә һәйити дәпму билинидиған рәһбәрлик ишханиси әзаси муһәммәд таһа вәһданниң оғли әһмәд таһаму өлүм җазаси иҗра қилинған йашлар арисида бар иди.

мусулман қериндашлар тәшкилати рәһбәрлириниң оғуллири арисида тунҗи қетим өлүм җазаси иҗра қилинған оғулниң әһмәд таһа икәнлики билдүрүлмәктә. 

мисир сот мәһкимиси баш мупәттиш һишам бәрәкатқа суйиқәст қилиш делоси билән сот қилинған 9 гумандарға берилгән өлүм җазасини 2018йили нойабирда тәстиқлиған иди.

гумандарлар болса, сот җәрйанидики әйибләшләрни рәт қилип, қийин - қистақ арқилиқ етирапнамә алғанлиқилирини билдүргән иди.

хәлқара кәчүрүм тәшкилати елан қилған байанатида, 9 өктичигә берилгән вә түнүгүн иҗра қилинған өлүм җазаси қарариниң тохтитилишини тәләп қилған иди. 

назарәттики йашларниң өлүм җазасини иҗра қилишқа тәййарлиқ қилиш үчүн җаза иҗра қилиш түрмисигә йөткәлгәнлики қәйт қилинған байанатта, гумандарларниң қанунсиз сорақ қилинғанлиқи билдүрүлгән иди.



مۇناسىۋەتلىك خەۋەرلەر