иран пирезидентиниң иниси сорақ қилинди
иран пирезиденти һәсән руһаниниң иниси һусәйин фәридун «чириклик җинайити» садир қилиш билән әйиблинип сотланди.
түркийә авази радийоси хәвири: иран рәсмий хәвәр агентлиқи –ирнаниң хәвәр қилишичә, бир мәзгил пирезидент һәсән руһаниниң мәслиһәтчиси болуп вәзипә өтигән бир туғқини фәридун билән бирликтә 4 киши, чириклик җинайитини тәкшүрүш даирисидә сот коллегийәси тәрипидин сорақ қилинған.
фәридун, 2017 – йили ийулда бир қетимлиқ чирикликкә зәрбә бериш һәрикити җәрйанида тутқун қилинип, кейин қойуветилгәниди.
сабиқ дипломат һусәйин фәридун, 1989 – 1997 – йиллири арисида иранниң куала лампурда турушлуқ баш әлчиси болуп вәзипә өтигәниди.
фәридун, ирандики өктичиләр тәрипидин «чириклик, пара елиш вә наһәқ һалда бир банкиға баш мудир тәйинләшкә арилишиш» дегәндәк җинайәтләр билән әйибләнмәктә.
руһаниға йеқин қатламлар болса, фәридунға қаритилған әйибләшләрниң «сийасий ғәрәзлик» икәнликини илгири сүрмәктә.
иран пирезиденти һәсән руһани, 1979 – йилидики инқилабтин илгири «фәридун» дегән фамилисини диний зат дегән мәнини билдүридиған «руһани» ға өзгәртивәткәниди.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
