америка: түркийә билән давамлиқ актип учур - алақә қиливатимиз

америка қошма иштатлири ташқи ишлар министирлиқиниң муавин байанатчиси роберт палладино, сүрийә киризиси мәсилисидә түркийә билән давамлиқ актип учур - алақә қиливатқанлиқлирини ейтти.

америка: түркийә билән давамлиқ актип учур - алақә қиливатимиз

түркийә авази радийоси хәвири: палладино, америка қошма иштатлири ташқи ишлар министирлиқида өткүзүлгән ахбарат васитилирини хәвәрләндүрүш йиғинида, сүрийә киризиси мәсилисидә түркийә  билән давамлиқ актип учур - алақә қиливатқанлиқлирини, вашингтонниң қошун чекиндүрүш қарариға садиқ икәнликини, лекин буниң вақтиниң ениқ әмәсликини тәкитләп мундақ деди: «сүрийәдин қошн чекиндүрүшимиз тактикилиқ бир өшгириш болуп, даешқа қарши күрәш нишанимизда һечқандақ өзгириш болғини йоқ.»

у, америка қошма иштатлириниң сүрийәдин қошун чекиндүрүш басқучида «бихәтәр район» бәрпа қилиш пиланлириниң қайси басқучта икәнликигә алақидар соалға җаваб бәргәндә, мундақ деди: «сүрийә мәсилисидә түркийә билән давамлиқ актип учур - алақә қиливатимиз, буму америка қисимлириниң бихәтәр һалда чекиниши вә сүрийәниң шәрқий шималида муқимлиқни ишқа ашуруш тиришчанлиқлиримизниң бир қисми һесаблиниду. түркийәниң қанунлуқ бихәтәрлик әндишилиригә әстайидил қараватимиз, шуңа паалийәтлиримиздиму бу нуқтиға алаһидә диққәт қиливатимиз. җүмлидин, сүрийә киризиси мәсилисидә түркийә билән давамлиқ учур - алақә қиливатимиз, бу һәқтики тәпсилатларни ортақлишалмаймиз.»

у йәнә, русийә билән бәшшар әсәд һакимийитиниң америка қошма иштатлирини сүрийәни парчилашқа урунуш билән әйибләватқанлиқини, әмма вашингтонниң сүрийәни парчилаш пилани йоқлуқини, әксичә сүрийәниң бирлики вә земин пүтүнлүкини қоғдаш тиришчанлиқлирини изчил қоллап келиватқанлиқиниму  сөзлиригә илавә қилди.



مۇناسىۋەتلىك خەۋەرلەر