мисирда 9 йашниң өлүм җазаси иҗра қилинди

гумандарлар, сот җәрйанидики әйибләшләрни рәт қилип, қийин - қистақ арқилиқ етирапнамә алғанлиқилирини билдүргән иди.

мисирда 9 йашниң өлүм җазаси иҗра қилинди

 

түркийә авази радийоси хәвири: мисирда баш мупәттишкә бомба һуҗуми қилиш билән әйиблинип, өлүм җазасиға һөкүм қилинған 9 кишиниң өлүм җазаси иҗра қилинди.

мусулман қериндашлар тәшкилатиниң әң йуқири дәриҗилик иҗраийә һәйити дәп билинидиған рәһбәрлик ишханиси әзаси муһәммәд таһа вәһданниң оғли әһмәд таһаму өлүм җазаси иҗра қилинған йашлар арисидин орун алди.

әһмәд таһаниң сиси һөкүмити мәзгилидә өлүм җазаси иҗра қилинған тунҗи мусулман қериндашлар тәшкилати әзаси икәнлики билдүрүлмәктә.

хәлқара кәчүрүм тәшкилати түнүгүн елан қилған байанатида, 9 өктичигә берилгән вә бүгүн әтигән иҗра қилинмақчи болған өлүм җазаси қарариниң тохтитилишини тәләп қилған иди. 

назәттики йашларниң өлүм җазасини иҗра қилишқа тәййарлиқ қилиш үчүн җаза иҗра қилиш түрмисигә йөткәлгәнлики қәйт қилинған байанатта, гумандарларниң қанунсиз сорақ қилинғанлиқи билдүрүлгән иди.

байанатта йәнә, сот җәрйанида бәзи гумандарларниң җинайәтни етирап қилиши үчүн қийин қистаққа елинғанлиқлириға даир сөзлиригиму орун аҗритилған иди.

мисир соти 2015йили баш мупәттиш һишам бәрәкатқа суйиқәст қилиш делоси билән сот қилинған 9 гумандарға берилгән өлүм җазасини 2018йили нойабирда тәстиқлиған иди.

гумандарлар болса, сот җәрйанидики әйибләшләрни рәт қилип, қийин - қистақ арқилиқ етирапнамә алғанлиқилирини билдүргән иди.

 



مۇناسىۋەتلىك خەۋەرلەر