һиндистан пакистанниң тәклипини рәт қилди

һиндистан пакистан баш министири имран ханниң кәшмирдә алдинқи һәптә йүз бәргән һуҗумниң тәкшүрүлишигә алақидар тәклипини рәт қилди.

һиндистан пакистанниң тәклипини рәт қилди

 

түркийә авази радийоси хәвири: пакистан ахбаратлирида орун алған хәвәрләргә асасланғанда, пакистан баш министири имран хан кәшмирниң пулвама районида 14февралда йүз бәргән һуҗумниң тәкшүрүлишигә даир тәклипи рәт қилинған.

һиндистан ташқи ишлар министирлиқидин елан қилинған байанатта, пакистанниң һуҗумға даир ишәнгили болидиған вә көзгә көрүнидиған һәрикәтләрдә болушини күтиватқанлиқи билдүрүлүп, имран ханниң һуҗумни әйиблимигәнлики вә һуҗумда қурбан болғанларниң аилилири үчүнму тәзийә теләклиридә болмиғанлиқи билдүрүлди.

пакистан баш министири имран хан кәшмир мәслисиниң афғанистанда болғанға охшаш дийалог арқилиқ һәл болуши мумкинликини ейтқан иди.

имран хан һиндистанниң һечқандақ тәкшүрүш елип бармастинла һуҗум һәққидә пакистанни әйиблигәнликини билдүргән иди.

имран хан һиндистан инавәтлик пакит сунған тәқдирдә пакистан тәрәпниңму керәклик тәкшүрүшләрни башлайдиғанлиқини билдүрүп, «бу тәклипни бесим астида болғанлиқимиздин әмәс, ташқи сийасәт чәшәнчимиз шундақ болғанлиқи үчүн сунмақтимән» дегән иди.

пакистан вә һиндистан оттурисидики йирикчилик 14февралда кәшмирдә йүз бәргән һуҗум билән қайтидин йуқири өрлиди.

һиндистанниң контироллуқидики кәшмирдә йүз бәргән вә 44 нәпәр һиндистан әскириниң җенидин айрилишиға сәвәб болған һуҗумда, пакистан тәрәпниң һуҗум қилғучиға йардәм қилғанлиқини илгири сүрүлгән иди.

пакистан болса, бу әйибләшләрни рәт қилип, һуҗумни әйибләп байанат елан қилған иди.

 

 



مۇناسىۋەتلىك خەۋەرلەر